ಪುಣೆಯಲ್ಲಿ ಶಂಕರ್ ಕುರಾಡೆ ಎನ್ನುವಾತ 2.80 ಲಕ್ಷ ರೂ. ಮೌಲ್ಯದ ಚಿನ್ನದ ಮಾಸ್ಕ್ ಧರಿಸಿದ್ದನ್ನು ನೋಡಿ ಪ್ರೇರಣೆ ಪಡೆದ ಒರಿಸ್ಸಾದ ಚಿನ್ನ ಪ್ರಿಯನೊಬ್ಬ 3.6 ಲಕ್ಷ ರೂ ಮಾಸ್ಕ್ ಮಾಡಿಸಿಕೊಂಡಿದ್ದಾನೆ.
ಕಟಕ್( ಒರಿಸ್ಸಾ): ಪುಣೆಯ ಶಂಕರ್ ಕರಾಡೆಯ ಚಿನ್ನದ ಮಾಸ್ಕ್ ನಿಂದ ಸ್ಪೂರ್ತಿ ಪಡೆದ ಕಟಕ್ ನಗರದ ಉದ್ಯಮಿ ಅಲೋಕ್ ಮೊಹಂತಿ ಎಂಬಾತ 3.5 ಲಕ್ಷ ರೂ ಮೌಲ್ಯದ ಚಿನ್ನದ ಮಾಸ್ಕ್ ಮಾಡಿಸಿಕೊಂಡು, ಅದನ್ನು ಧರಿಸಿ ಮೆರೆಯುತ್ತಿದ್ದಾನೆ.
ಆನ್ ಲೈನ್ ಆರ್ಡರ್ ಕೊಟ್ಟು ಮುಂಬೈನಿಂದ ಇದನ್ನು ತರಿಸಿಕೊಂಡಿದ್ದಾನಂತೆ! ಅಂದರೆ ಚಿನ್ನದ ಮಾಸ್ಕ್ ತಯಾರಿಸುವುದು ಈಗ ಲಾಭದಾಯಕ ವ್ಯಾಪಾರ ಆಗಿದೆ ಎಂದಾಯಿತು.
‘ಮೊದಲಿನಿಂದಲೂ ನನಗೆ ಬಂಗಾರ ಎಂದರೆ ಪ್ರೀತಿ. ಜನ ನನ್ನನ್ನು ಬಂಗಾರದ ಮನುಷ್ಯ ಎಂತಲೇ ಕರೆಯುತ್ತಾರೆ. ಪುಣೆ ವ್ಯಕ್ತಿಯ ಮಾಸ್ಕ್ ಬಗ್ಗೆ ಓದಿದಾಗ ನನಗೂ ಆಸೆಯಾಯಿತು’ ಎಂದು ಮೊಹಂತಿ ಹೇಳಿದ್ದಾನೆ.
ಎನ್-95 ಮಾಸ್ಕಿಗೆ ಚಿನ್ನದ ಎಳೆಗಳನ್ನು ಪೋಣಿಸಿ ಈ ಮಾಸ್ಕ್ ಮಾಡಲಾಗಿದೆಯಂತೆ. ಈ ಬಂಗಾರದ ಮಾಸ್ಕಿನ ಟ್ರೆಂಡ್ ಅನ್ನು ತೆವಲು ಅನ್ನುವುದೋ, ಮೂರ್ಖತನ ಎಂದು ಕರೆಯುವುದೋ?