ಲವಲವಿಕೆಯ ಹುಡುಗಿ, ಪ್ರಬುದ್ಧ ನಟಿ ನಿತ್ಯಾ ಮೆನನ್ಳ ಒಂದು ಲಿಪ್-ಲಾಕ್ ಫೋಟೊ ನೆಟ್ಟಿಗರಲ್ಲಿ ಸಂಚಲನ ಮೂಡಿಸಿದೆ.
ಬೆಂಗಳೂರು: ನಿತ್ಯಾ ಮೆನನ್ ಕಣ್ಣುಮುಚ್ಚಿ ತನ್ನದೇ ಭಾವಲೋಕದಲ್ಲಿದ್ದಾಳೆ. ಎದುರುಗಿರುವ ಯುವತಿಯೂ ಅಷ್ಟೇ. ತನ್ನೊಳಗಿನ ಕಾಮನೆಯ ಬಿಸಿಯನ್ನು ಆರಿಸಿಕೊಳ್ಳಲು ಎದುರಿನ ಯುವತಿಯ ಮುಖವನ್ನು ಎರಡೂ ಬೊಗಸೆಗಳಲ್ಲಿ ಬಿಗಿಯಾಗಿ ಹಿಡಿದ ನಿತ್ಯಾ ತುಟಿಗೆ ತುಟಿ ಒತ್ತಿ ಸಮ್ಮೋಹಿನಿಯಾಗಿದ್ದಾಳೆ.
ಇದರ ಒಂದು ಫೋಟೊ ಈಗ ಸಾಮಾಜಿಕ ಜಾಲತಾಣದಲ್ಲಿ ಶರವೇಗದಲ್ಲಿ ಶೇರ್ ಆಗುತ್ತಿದೆ. ತಮ್ಮನ್ನೇ ನಿತ್ಯಾ ಚುಂಬಿಸಿದಳು ಎಂಬಂತೆ ಕೆಲವು ಪಡ್ಡೆಗಳು ಭ್ರಮಾಲೋಕದಲ್ಲಿವೆ. ಇನ್ನು ಕೆಲವರು ನಿತ್ಯಾಳ ಚಾಲೆಂಜಿಂಗ್ ವೃತ್ತಿಪರತೆ ಮೆಚ್ಚಿಕೊಂಡಿದ್ದಾರೆ.
ವಾಸ್ತವ ಇಷ್ಟೇ: ಇದು ವೆಬ್ ಸರಣಿಯೊಂದರ ದೃಶ್ಯ. ಇದರಲ್ಲಿ ನಿತ್ಯಾಳದು ಲೆಸ್ಬಿಯನ್ (ಸಲಿಂಗ ಪ್ರೇಮಿ) ಪಾತ್ರ. ಪಾತ್ರಕ್ಕೆ ತಕ್ಕಂತೆ ಆಕೆ ಅಭಿನಯಿಸಿದ್ದಾಳೆ. ಈ ದೃಶ್ಯದ ಎಪಿಸೋಡ್ ಇನ್ನೂ ಪ್ರಸಾರವಾಗಿಲ್ಲ. ಆ ಫೋಟೊ ಹೇಗೋ ಲೀಕ್ ಆಗಿದೆ. ಕೆಲವು ಸಂದರ್ಭಗಳಲ್ಲಿ ಪ್ರಚಾರ ಪಡೆಯಲು ನಿರ್ಮಾಪಕರೇ ಇಂತಹ ಫೋಟೊ/ದೃಶ್ಯಗಳನ್ನು ಲೀಕ್ ಮಾಡುತ್ತಾರೆ. ಹೀಗೆ ಲೀಕ್ ಆದ ಚಿತ್ರ ನೋಡಿದ ಕೆಲವರು ಇದು ನಿಜ ಜೀವನದ ಕಿಸ್ಸಾ ಎಂದು ಕನ್ಪೂಸನ್ ಆಗಿದ್ದಾರೆ.
ಈಗಿನ ಸಾಮಾಜಿಕ ಜಾಲತಾಣದ ಟ್ರೆಂಡ್ ಹೇಗಿದೆ ಎಂದು ತೋರಿಸಲಷ್ಟೇ ಇದನ್ನು ಪ್ರಕಟಿಸಿದ್ದೇವೆ.
ಬೋಲ್ಡ್ & ಬ್ಯೂಟಿಫುಲ್
ಕನ್ನಡದಲ್ಲಿ ಹಲವು ಚಿತ್ರಗಳ ಮೂಲಕ ನಿತ್ಯಾ ಮೆನನ್ ಗಮನ ಸೆಳೆದಿದ್ದಾಳೆ. ‘ಮೈನಾ’ ಚಿತ್ರದಲ್ಲಿನ ಆಕೆಯ ಪ್ರಬುದ್ಧ ಅಭಿನಯ ಮರೆಯಲು ಸಾಧ್ಯವೇ? ಕೋಟಿಗೊಬ್ಬ-2 ಸಿನಿಮಾದಲ್ಲಿನ ಆಕೆಯ ಕಮರ್ಷಿಯಲ್ ಸಕ್ಸಸ್ ಕೂಡ ಗಮನಾರ್ಹ. ಯಾವುದೇ ಬಗೆಯ ಪಾತ್ರವಿದ್ದರೂ ಅದಕ್ಕೆ ಜೀವ ತುಂಬಬಲ್ಲ ಹುಡುಗಿ ಈಕೆ. ಹಲವು ಪ್ರಯೋಗಾತ್ಮಕ ಚಿತ್ರಗಳಲ್ಲಿ ಪ್ರಬುದ್ಧ ಅಭಿನಯ ನೀಡುವ ಮೂಲಕ ತನ್ನ ಟ್ಯಾಲೆಂಟ್ ಸಾಬೀತು ಮಾಡಿದ್ದಾಳೆ.
ಬ್ರೀತ್: ಇಂಟು ದಿ ಶಾಡೋ ಎಂಬ ವೆಬ್ ಸರಣಿಯ ದೃಶ್ಯದ ಚಿತ್ರವಿದು. ಇದರಲ್ಲಿ ನಿತ್ಯಾಳದು ಲೆಸ್ಬಿಯನ್ ಪಾತ್ರ. ‘ಸಾಕಷ್ಟು ಭಾವನಾತ್ಮಕೆಯಿಂದ ಕೂಡಿದ, ಸಾಮಾಜಿಕವಾಗಿ ಒಪ್ಪಿಗೆಯಾಗದ ೀ ಸವಾಲಿನ ಪಾತ್ರವನ್ನು ನಾನು ಒಪ್ಪಿಕೊಂಡಿದ್ದೇನೆ. ಈ ಪಾತ್ರಕ್ಕೆ ನ್ಯಾಯ ಒದಗಿಸುತ್ತಿದ್ದೇನೆ’ ಎಂದು ನಿತ್ಯಾ ಹೇಳಿದ್ದಾಳೆ.
