ಈ ಅವಳಿ-ಜವಳಿ ನೋಡೊಕ್ಕಂತೂ ಡಿಟ್ಟೋ. ಅವರಿಬ್ಬರಿಗೂ ಸಿಕ್ಕ ಅಂಕಗಳು ಕೂಡ ಡಿಟ್ಟೋ. ಅವರ ಹೆಸರು ಮಾತ್ರ ಬೇರೆ ಬೇರೆಯಷ್ಟೆ!
ನೋಯ್ಡಾ: ನೋಡಲು ಒಂದೇ ತರಹ, ಝೆರಾಕ್ಸ್ ಕಾಪಿ ಅಂತಾರಲ್ಲ ಹಂಗೇ. ನಗು, ಕಣ್ಣೋಟ, ಮನಸು, ಮನಸಿನ ಸೊಗಸು, ಮನಸಿನ ಮುನಿಸು…ಎಲ್ಲವೂ ಒಂದೇ ಅಂದರೆ ಒಂದೇ. ಇವರಿಬ್ಬರ ಕನಸೂ ಒಂದೇ, ಇಂಜಿನಿಯರಿಂಗ್ ಓದುವುದು.
ಇವರು ಮಾನಸಿ ಮತ್ತು ಮಾನ್ಯಾ ಎಂಬ ಅವಳಿ-ಜವಳಿ. ಈಗ ಪ್ರಕಟವಾಗಿರುವ ಸಿಬಿಎಸ್ಸಿ ಪರೀಕ್ಷೆಯಲ್ಲಿ ಇಬ್ಬರೂ ಅಷ್ಟೇ ಪರ್ಸೆಂಟೇಜ್ ಮಾಡಿದ್ದಾರೆ. ಅದಿರ್ಲಿ, ಎಲ್ಲ ವಿಷಯದಲ್ಲೂ ಇಬ್ಬರಿಗೂ ಸೇಮ್ ಮಾರ್ಕ್ಸ್!
‘ನಮ್ಮಿಬ್ಬರ ಹೆಸರು ಬೇರೆ ಎನ್ನುವುದು ಬಿಟ್ಟರೆ, ನಾವಿಬ್ಬರೂ ಒಂದೇ’ ಎನ್ನುತ್ತಾಳೆ ಮಾನಸಿ. ‘ಎರಡು ವರ್ಷದ ಹಿಂದೆ ಅವಳಿ-ಜವಳಿಗೆ ಒಂದೇ ಅಂಕ ಬಂದಿದ್ದು ಓದಿದ್ದೆ. ಈಗ ನಮಗೇ ಅನುಭವವಾಗಿದೆ’ ಎನ್ನುತ್ತಾ:ಳೆ ಮಾನ್ಯಾ.