ಈಗ ನಲವತ್ತು ದಿವಸದಿಂದ ಬಂದ್ ಆಗಿದ್ದ ಮದ್ಯ ಮಾರಾಟ ಈಗ ಪುನರಾರಂಭವಾಗಿದೆ. ಈಗ ಕೆಲವರು ರಾಜಕೀಯ, ಕೆಲವರು ಸಾಮಾಜಿಕ ಕಳಕಳಿಯಿಂದ ಮತ್ತೆ ಕೆಲವರು ಸುಮ್ಮನೆ ಪ್ರಚಾರದ ಕಾರಣ ಪಾನ ನಿಷೇಧ ಮಾಡಿರಿ ಎಂದು ಸರಕಾರಕ್ಕೆ ಹೇಳುತ್ತಿದ್ದಾರೆ. ಈ ದೇಶದಲ್ಲಿ ಸ್ವಾತಂತ್ರ ಬಂದ ಕೆಲವು ವರ್ಷಗಳ ಕಾಲ ಪಾನ ಪ್ರತಿಬಂಧ ಜಾರಿಯಲ್ಲಿತ್ತು. ನಂತರ ಪಾನ ಪ್ರತಿಬಂಧವನ್ನು ತೆಗೆದು ಹಾಕಿ ಸಾರಾಯಿ ಮಾರಾಟವನ್ನು ಸರಕಾರ ಪ್ರಾರಂಭಿಸಿತು.

ಈಗ ಗುಜರಾತ್ ಮತ್ತು ಇನ್ನೂ ಮೂರು ರಾಜ್ಯಗಳಲ್ಲಿ ಮಾತ್ರ ಪಾನ ನಿಷೇಧ ಜಾರಿಯಲ್ಲಿದೆ. ಆಂಧ್ರ ಪ್ರದೇಶದಲ್ಲಿ ಚಂದ್ರ ಬಾಬು ನಾಯ್ಡು ಸರಕಾರ ಪಾನ ಪ್ರತಿಬಂಧ 1994ರಲ್ಲಿ ಜಾರಿ ಮಾಡಿ 1997 ರಲ್ಲಿ ಪಾನ ಪ್ರತಿಬಂಧ ತೆಗೆದು ಹಾಕಿತು. ಸಂವಿಧಾನದ ರಾಜ್ಯನೀತಿಯ ನಿರ್ದೇಶಕ ತತ್ವಗಳ ಪ್ರಕಾರ ಪಾನ ಪ್ರತಿಬಂಧವನ್ನ ರಾಜ್ಯ ಸರಕಾರಗಳು ಜಾರಿ ಮಾಡಬೇಕು (ಸಂವಿಧಾನದ ಅನುಚ್ಚೆದ 47) ಆದರೆ ಈವರೆಗೂ ಆಳಿದ ಯಾವುದೇ ಪಕ್ಷಗಳ ಸರಕಾರಗಳೂ ಈ ಪಾನ ಪ್ರತಿಬಂಧ ಮಾಡುವ ನೀತಿಯನ್ನು ಗಂಭೀರವಾಗಿ ಪರಿ ಗಣಿಸಿಲ್ಲ. ಮದ್ಯ ಮಾರಾಟ ಒಂದು ಸರಕಾರದ ಆದಾಯ ಮೂಲ ಎಂದು ಪರಿಗಣಿಸದ ಕಾಲದಲ್ಲಿ ಪಾನ ಪ್ರತಿಬಂಧ ಜಾರಿ ಸುಲಭವಾಗಿತ್ತು. ಆದರೆ ಅದನ್ನು ಮಾಡಲಿಲ್ಲ. ಈ ಬಗ್ಗೆ ಸಾಮಾಜಿಕ ಕಳಕಳಿಯಿಂದ ಯಾವದೇ ಸಂಘಟನೆ ಗಂಭೀರ  ಕಾನೂನು ಅಥವಾ ಸಾಮಾಜಿಕ ಹೋರಾಟ ಮಾಡಿಲ್ಲ. ಇಂದು ಚುನಾಯಿತ ಪ್ರಜಾ ಸರಕಾರ ಮಧ್ಯ ಮಾರಾಟವೂ ಒಂದು ದೊಡ್ಡ ಆದಾಯದ ಮೂಲ ಎಂದು ಪರಿಗಣಿಸಿದೆ. ಕುಡುಕರ ಕೂಗು ಸರಕಾರಕ್ಕೆ ಬೇಗ ತಲುಪುವ ಹಂತ ಮುಟ್ಟಿದೆ. ಸಾರಾಯಿಯಿಂದ ಸಂಸಾರ ಹಾಳಾಗುತ್ತದೆ ಎನ್ನುತ್ತಿದ್ದರು ಮೊದಲು. ಈಗ ಸಾರಾಯಿ ಇಲ್ಲದೇ ಕುಡುಕರು ಸಾಯುತ್ತಾರೆ. ಆಂಧ್ರದಲ್ಲಿ ಸಾರಾಯಿ ನಿಷೇಧ ಮಾಡಿದಾಗ ಅಲ್ಲಿಯ ಕರ್ನಾಟಕ ಗಡಿಭಾಗ ಗಂಡಸರು ಕರ್ನಾಟಕದಲ್ಲಿ ಸಾರಾಯಿ ಕುಡಿಯಲು ಬರುತ್ತಿದ್ದರು. ಇದನ್ನು ನೋಡಿ ಅಲ್ಲಿಯ ಹೆಂಗಸರು ತಮ್ಮ ಗಂಡಂದಿರು ರಾತ್ರಿ ಮನೆಗೆ ಬಾರದೆ ಕರ್ನಾಟದಲ್ಲಿ ಕುಡಿದು ಬೀಳುತ್ತಾರೆ ಆದ ಕಾರಣ ಪಾನಪ್ರತಿಬಂಧ ತೆರವು ಮಾಡಲು ಕೇಳಿದರು.

ಈಗ ರಾಜಕಾರಣಿಗಳಿಗೆ ಕುಡುಕರ ಮತಗಳು ಬಹುಮುಖ್ಯ. ಚುನಾವಣೆಯಲ್ಲಿ ಹೆಂಡ ಹಣ ಹೇಗೆ ಕೆಲಸ ಮಾಡುತ್ತವೆ ಎನ್ನುವದು ಸರ್ವವೇದ್ಯ.ಇದು ಸಾಮಾಜಿಕ, ಸ್ವಾಸ್ಥ ಹಾಳು ಮಾಡುವ ಹವ್ಯಾಸ. ಇದರಿಂದ ಸರಕಾರ ಹಣ ಮಾಡಿಕೊಳ್ಳುವುದು ರಾಜಧರ್ಮ ಆಗದು. ಕುಡುಕರ ಮತಗಳೂ  ಮತ್ತು ರಾಜ್ಯದ ಬೊಕ್ಕಸಕ್ಕೆ ಆದಾಯವೂ ಮುಖ್ಯ ಎನ್ನುವ ರಾಜಕೀಯ. ಕುಡುಕರ ಕಾಟ ದಿಂದ ತೊಂದರೆಗೊಳಗಾಗುವ ಸಮಾಜದ ಗೋಳು ಇವುಗಳ ಬಗ್ಗೆ ಗಂಭೀರ ಚಿಂತನೆ ಅಗತ್ಯ ಇಂತಹ ಗಂಭೀರವಾದ ವಿಷಯವನ್ನು ಎಲ್ಲ ರಾಜಕೀಯ ಪಕ್ಷಗಳು ರಾಜಧರ್ಮ ಪಾಲಿಸುವ ದಿಕ್ಕಿನಲ್ಲಿ ಸಮಾಲೋಚಿಸಿ ಒಂದು ಪರಿಹಾರ ಕಂಡುಕೊಳ್ಳಬೇಕು.

ಎಸ್.ಎಚ್.ಮಿಟ್ಟಲಕೊಡ, ನಿವೃತ್ತ ಜಿಲ್ಲಾ ನ್ಯಾಯಾಧೀಶರು ಧಾರವಾಡ

Leave a Reply

Your email address will not be published. Required fields are marked *

You May Also Like

ಗದಗ ಜಿಲ್ಲೆ ಕೊರೋನಾ ಗ್ರಹಣ-2:ಈ ಕರಾಳ 24 ದಿನದ ಸರಾಸರಿ: ದಿನಕ್ಕೆ 11 ಪಾಸಿಟಿವ್, 3 ದಿನಕ್ಕೊಂದು ಸಾವು

ಮಂಗಳವಾರ ಗದಗ ಜಿಲ್ಲೆಯಲ್ಲಿ 9 ಹೊಸ ಕೋರೊನಾ ಪ್ರಕರಣಗಳು ದಾಖಲಾಗುವುದರೊಂದಿಗೆ ಒಟ್ಟು ಸೋಂಕಿತರ ಸಂಖ್ಯೆ 331ಕ್ಕೆ ಏರಿದೆ. ಸಕ್ರಿಯ ಕೇಸ್ಗಳ ಸಂಖ್ಯೆ 143ಕ್ಕೆ ಏರಿದೆ. ಈ ಹಿಂದಿನ 23 ದಿನಗಳಲ್ಲಿ ಸೋಂಕು ಪ್ರಸರಣದ ತೀವ್ರತೆಯನ್ನು ಶೇಕಡಾವಾರು ಲೆಕ್ಕದಲ್ಲಿ ಸೋಮವಾರ ಪ್ರಕಟಿಸಿದ್ದೆವು.

ಎಸ್ಎಸ್ಎಲ್ಸಿ ಪರೀಕ್ಷೆ ಬಗ್ಗೆ ಸಭೆಯಲ್ಲಿ ತೀರ್ಮಾನ: ಶಿಕ್ಷಣ ಸಚಿವ ಎಸ್.ಸುರೇಶ್ ಕುಮಾರ್

ಬೆಂಗಳೂರು: ಎಸ್ಎಸ್ಎಲ್ಸಿ ಪರಿಕ್ಷೆಯ ಬಗ್ಗೆ ತೀರ್ಮಾನ ತೆಗೆದುಕೊಳ್ಳಲು ಸೋಮವಾರ ಸಭೆ ಸೇರುತ್ತಿದ್ದೇವೆ ಎಂದು ಪ್ರಾಥಮಿಕ ಮತ್ತು…

ರಾಜ್ಯ ಸರ್ಕಾರಕ್ಕೆ ವಿಪಕ್ಷಗಳ ಸಲಹೆ ಏನು ಗೊತ್ತಾ?

ಲಾಕ್ ಡೌನ್ ನಿಂದಾಗಿ ರಾಜ್ಯದ ಜನತೆ ಸಂಕಷ್ಟ ಎದುರಿಸುತ್ತಿದ್ದು, ಹೀಗಾಗಿ ರಾಜ್ಯಕ್ಕೆ ರೂ. 50,000ಕೋಟಿ ವಿಶೇಷ ಆರ್ಥಿಕ ಪ್ಯಾಕೇಜ್ ಘೋಷಿಸುವಂತೆ ಕೇಂದ್ರಕ್ಕೆ ಒತ್ತಾಯಿಸಬೇಕು. ಕೊರೋನಾ ನಿಯಂತ್ರಣಕ್ಕಾಗಿ ಮುಖ್ಯಮಂತ್ರಿ ಪರಿಹಾರ ನಿಧಿ ಖಾತೆಯ ಖರ್ಚು ವೆಚ್ಚದ ಬಗ್ಗೆ ಶ್ವೇತ ಪತ್ರ ಹೊರಡಿಸಬೇಕು ಎಂದು ಪ್ರತಿಪಕ್ಷಗಳು ರಾಜ್ಯ ಸರ್ಕಾರವನ್ನು ಒತ್ತಾಯಿಸಿವೆ.

ಡೆಂಜರ್ ಝೋನ್ ನಲ್ಲಿ ಭಯಾನಕ ಘಟನೆ: ಕಿಟ್ ಗಾಗಿ ಮಗ್ಗರಿಸಿ ಬಿದ್ದ ಮಹಿಳೆಯರು

ಆಹಾರ ಕಿಟ್ ಪಡೆಯಲು ಹೋದ ಮಹಿಳೆಯರು ಮಗ್ಗರಿಸಿ ಬಿದ್ದಿದ್ದಾರೆ. ನಿಜಕ್ಕೂ ಇದು ಭಯಾನಕ ಘಟನೆ. ಕೊರೋನಾ ಕರಾಳ ಛಾಯೆಯ ಲಕ್ಷಣವೇ ಸರಿ.