ಅಬುಧಾಬಿ: ಭಾನುವಾರ ರಾಜಸ್ಥಾನ್ ರಾಯಲ್ಸ್ ತಂಡದ ವಿರುದ್ಧ ನಡೆದ ಪಂದ್ಯದಲ್ಲಿ ಹಾರ್ದಿಕ್ ಪಾಂಡ್ಯ ತಂಡಕ್ಕೆ ಚೇತರಿಕೆ ನೀಡುವುದರ ಮೂಲಕ ಭರ್ಜರಿ ಆಟ ಪ್ರದರ್ಶಿಸಿದ್ದಾರೆ.
ಟಾಸ್ ಗೆದ್ದು ಮೊದಲು ಬ್ಯಾಟ್ ಮಾಡಿದ ಮುಂಬಯಿ ಇಂಡಿಯನ್ಸ್ ತಂಡ ಆರಂಭದಲ್ಲಿ ಆಘಾತ ಅನುಭವಿಸಿತ್ತು. ಹಾರ್ದಿಕ್ ಪಾಂಡ್ಯ ಅವರ ಅಬ್ಬರದ ಬ್ಯಾಟಿಂಗ್ ನಿಂದ ಮುಂಬಯಿ 195 ರನ್ ಗಳಿಸಿದೆ.
ಹಾರ್ದಿಕ್ ಪಾಂಡ್ಯ ಅವರು ಕೇವಲ 21 ಬೌಲ್ ಗೆ ಏಳು ಸಿಕ್ಸರ್ ಮತ್ತು ಎರಡು ಬೌಂಡರಿ ಸೇರಿದಂತೆ 60 ರನ್ ಸಿಡಿಸಿದ್ದಾರೆ. ಮೊದಲು ತಾಳ್ಮೆಯಿಂದ ಆಟವಾಡಿದ್ದ ಪಾಂಡ್ಯ ಆ ನಂತರ ಸಿಡಿದೆದ್ದಿದ್ದಾರೆ. ಪಾಂಡೆ ಮೊದಲ 9 ಬೌಲ್ ನಲ್ಲಿ ಕೇವಲ ಎಂಟು ರನ್ ಸಿಡಿಸಿದ್ದರು. ಆ ನಂತರ ಅವರ ಬ್ಯಾಟಿಂಗ್ ಮುಂದೆ ರಾಜಸ್ಥಾನ್ ಪರದಾಡಿತು.
ಪಾಂಡ್ಯ ಕೊನೆಯ 12 ಬೌಲ್ ನಲ್ಲಿ ಭರ್ಜರಿ 52 ರನ್ ಸಿಡಿಸಿದರು. ಕೊನೆಯ ನಾಲ್ಕು ಓವರ್ ನಲ್ಲಿ ಭರ್ಜರಿಯಾಗಿ ಆಡಿದ ಪಾಂಡ್ಯ ತಂಡದ ಮೊತ್ತ ಏರಿಸಿದರು. 17ನೇ ಓವರ್ ನಲ್ಲಿ 17 ರನ್, 18ನೇ ಓವರ್ ನಲ್ಲಿ 27 ರನ್, 19ನೇ ಓವರ್ ಕೇವಲ ಮೂರು ರನ್, 20ನೇ ಓವರ್ ನಲ್ಲಿ 27 ರನ್ ಸಿಡಿಸಿದ್ದಾರೆ. ಕೊನೆಯ ನಾಲ್ಕು ಓವರ್ ನ 24 ಬೌಲ್ ನಲ್ಲಿ 74 ರನ್ ಸಿಡಿಸಿದ್ದಾರೆ.