ಬೆಂಗಳೂರು : ರಾಜ್ಯದಲ್ಲಿ ಇಂದು ಮತ್ತೆ 8,811 ಜನರಲ್ಲಿ ಸೋಂಕು ಕಾಣಿಸಿಕೊಂಡಿದೆ. ಅಲ್ಲದೇ, 5,417 ಜನರು ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಾರೆ.
ಅಲ್ಲದೇ, ರಾಜ್ಯದಲ್ಲಿ ಇಂದು ಮಹಾಮಾರಿಗೆ 86 ಜನ ಬಲಿಯಾಗಿದ್ದಾರೆ. 832 ಜನ ರಾಜ್ಯದ ವಿವಿಧ ಆಸ್ಪತ್ರೆಗಳ ಐಸಿಯುನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಮಹಾಮಾರಿಗೆ 8,503 ಜನ ರಾಜ್ಯದಲ್ಲಿ ಬಲಿಯಾದಂತಾಗಿದೆ. ರಾಜ್ಯದಲ್ಲಿ ಒಟ್ಟು ಸೋಂಕಿತರ ಸಂಖ್ಯೆ 5,66,023ಕ್ಕೆ ಏರಿಕೆ ಕಂಡಿದೆ. ಇನ್ನೂ 1,01,782 ಸಕ್ರಿಯ ಪ್ರಕರಣಗಳಿವೆ. ಅಲ್ಲದೇ, ಒಟ್ಟು 1,66,267 ಜನರು ಹೋಮ್ ಕ್ವಾರಂಟೈನ್ ನಲ್ಲಿದ್ದಾರೆ.
ಕಳೆದ ಎರಡು ದಿನಗಳಿಂದ ರಾಜಧಾನಿಯಲ್ಲಿ 4 ಸಾವಿರಕ್ಕೂ ಅಧಿಕ ಪ್ರಕರಣಗಳು ಬೆಳಕಿಗೆ ಬರುತ್ತಿವೆ. ಇಂದು ಬೆಂಗಳೂರು ನಗರದಲ್ಲಿ 4,083 ಜನರಲ್ಲಿ ಸೋಂಕು ಕಾಣಿಸಿಕೊಂಡಿದೆ. 27 ಜನ ಸಾವನ್ನಪ್ಪಿದ್ದಾರೆ. ಈ ನಿಟ್ಟಿನಲ್ಲಿ ಬೆಂಗಳೂರು ನಗರದಲ್ಲಿಯೇ ಸೋಂಕಿತರ ಸಂಖ್ಯೆ 2,16,630ಕ್ಕೆ ಏರಿಕೆ ಕಂಡಿದೆ.
ಇನ್ನುಳಿದಂತೆ ಬಾಗಲಕೋಟೆಯಲ್ಲಿ 147, ಬಳ್ಳಾರಿಯಲ್ಲಿ 462, ಬೆಳಗಾವಿಯಲ್ಲಿ 132, ಬೆಂಗಳೂರು ಗ್ರಾಮಾಂತರದಲ್ಲಿ 241, ಬೆಂಗಳೂರು ನಗರದಲ್ಲಿ 4,083, ಬೀದರ್ ನಲ್ಲಿ 56, ಚಾಮರಾಜನಗರದಲ್ಲಿ 63, ಚಿಕ್ಕಬಳ್ಳಾಪುರದಲ್ಲಿ 164, ಚಿಕ್ಕಮಗಳೂರಿನಲ್ಲಿ 109, ಚಿತ್ರದುರ್ಗದಲ್ಲಿ 70, ದಕ್ಷಿಣ ಕನ್ನಡದಲ್ಲಿ 420, ದಾವಣಗೆರೆಯಲ್ಲಿ 144, ಧಾರವಾಡದಲ್ಲಿ 232, ಗದಗದಲ್ಲಿ 44, ಹಾಸನದಲ್ಲಿ 239, ಹಾವೇರಿಯಲ್ಲಿ 111, ಕಲಬುರಗಿಯಲ್ಲಿ 249, ಕೊಡಗಿನಲ್ಲಿ 79, ಕೋಲಾರದಲ್ಲಿ 165, ಕೊಪ್ಪಳದಲ್ಲಿ 352, ಮಂಡ್ಯದಲ್ಲಿ 255, ಮೈಸೂರಿನಲ್ಲಿ 73, ರಾಯಚೂರಿನಲ್ಲಿ 92, ರಾಮನಗರದಲ್ಲಿ 73, ಶಿವಮೊಗ್ಗದಲ್ಲಿ 254, ತುಮಕೂರಿನಲ್ಲಿ 141, ಉಡುಪಿಯಲ್ಲಿ 57, ಉತ್ತರ ಕನ್ನಡದಲ್ಲಿ 104, ವಿಜಯಪುರದಲ್ಲಿ 67 ಮತ್ತು ಯಾದಗಿರಿಯಲ್ಲಿ 133 ಜನರಲ್ಲಿ ಇಂದು ಸೋಂಕು ಕಾಣಿಸಿಕೊಂಡಿದೆ ಎಂದು ಆರೋಗ್ಯ ಇಲಾಖೆ ತಿಳಿಸಿದೆ.
