ಹೋಂ ಕ್ವಾರಂಟೈನ್ನಲ್ಲಿರುವಾಗ ಮೊಬೈಲ್ ಸ್ವಿಚ್ ಆಫ್ ಮಾಡಿದ್ದು ಶಿಕ್ಷಾರ್ಹ. ಮತ್ತೆ ಹೀಗೆ ಮಾಡಬೇಡಿ ಎಂಬ ತಹಸೀಲ್ದಾರ್ ಸೂಚನೆ ಸರಿಯಾಗಿಯೇ ಇದೆ. ಆದರೆ ಅದನ್ನು 2 ವರ್ಷದ ಮಗುವಿನ ಹೆಸರಿಗೆ ಕಳುಹಿಸಿದ್ದಾರೆ.

ಗದಗ:‘ಹೋಂಕ್ವಾರಂಟೈನ್ ಅವಧಿಯಲ್ಲಿ ದಿನಾಂಕ 6 ರಂದು ಮೊಬೈಲ್ ಸ್ವಿಚ್ಡ್ ಆಫ್ ಮಾಡಲಾಗಿದೆ. ಇದು  ವಿಪತ್ತು‌ ನಿರ್ವಹಣಾ ಕಾಯ್ದೆ 2005 ರ ನೇರೆ ಉಲ್ಲಂಘನೆ ಆಗಿದೆ. ಈ ಕಾಯ್ದೆಯ ಕಲಂ 51 ರ ಅಡಿ ಹಾಗೂ  ಐಪಿಸಿ ಸೆಕ್ಷನ್ ಕಲಂ 1188 ರ ಅಡಿ  ಕಾರಾವಾಸ ಶಿಕ್ಷೆಗೆ ಒಳಪಡುವ ಶಿಕ್ಷಾರ್ಹ ಅಪರಾಧವಾಗಿದೆ. ಈ  ನೋಟಿಸ್ ಎಚ್ಚರಿಕೆ ಎಂದು ಭಾವಿಸಿ, 

ಅವಧಿ ಮುಗಿಯುವವರೆಗೆ ಫೋನ್ ಸ್ವಿಚ್ ಆಫ್ ಮಾಡಬಾರದು. ಅವಧಿ ಮಗಿಯುವ ಮುನ್ನವೆ ಫೋನ್ ಸ್ವಿಚ್  ಆಫ್  ಮಾಡಿದರೆ ಸಾಂಸ್ಥಿಕ ಕ್ವಾರಂಟೈನ್ ಒಳಪಡಿಸಲಾಗುವುದು’ ಎಂದು ಜುಲೈ 7 ರಂದು  ಮುಂಡರಗಿಯ ತಹಸೀಲ್ದಾರ್ ಈ ನೋಟಿಸ್ ಕಳಿಸಿದ್ದಾರೆ.

ಅದ್ಯಾವುದೋ ಕಾರಣಕ್ಕೆ ಮೊಬೈಲ್ ಸ್ವಿಚ್ ಆಫ್ ಆಗಿರಬಹುದು ಎಂಬ ಅರಿವೂ ಇರುವ ಕಾರಣ ಅವರು ಮತ್ತೆ ಹೀಗೆ ಮಾಡದಿರಿ ಎಂಬ ಎಚ್ಚರಿಕೆ ನೀಡಿದ್ದಾರೆ.

ಆದರೆ ಶ್ರೀಮತಿ ಎಂಬ ಸಂಭೋದನೆಯಲ್ಲಿ ಅವರು ಕಳಿಸಿರುವ ನೋಟಿಸ್ 2 ವರ್ಷದ ಮಗುವಿನ ಹೆಸರಿನಲ್ಲಿದೆ. ಇಲ್ಲಿ ಮಗುವಿನ ತಾಯಿಗೆ ನೋಟಿಸ್ ಕಳಿಸುವ ಭರದಲ್ಲಿ ಮಗುವಿನ ಹೆಸರು ನಮೂದಾಗಿರಬಹುದು. ಅಥವಾ ಮಗುವಿನ ಹೆಸರ ಮುಂದೆ ತಂದೆ-ತಾಯಿ ಮೊಬೈಲ್ ಬರೆಸುತ್ತಾದ್ದರಿಂದ, ಮಗುವಿನ ಹೆಸರಿಗೇ ಕಳಿಸಬೇಕಾದ ಆಡಳಿತಾತ್ಮಕ ಅನಿವಾರ್ಯತೆಯಿಂದ ಕಳಿಸಿರಬಹುದು. ಕಳಿಸುವಾಗ ರೂಢಿಗತದಂತೆ ಟೈಪ್ ಮಾಡುವವರು ಶ್ರೀಮತಿ ಎಂದು ಟೈಪ್ ಮಾಡಿರಬಹುದು.

‘ನೀವು ವಿದೇಶದಿಂದ ಬಂದಿದ್ದು’  ಎಂಬ ವಾಕ್ಯ ನೋಟಿಸ್ ನಲ್ಲಿದೆ.  ಮಗು ತಂದೆ-ತಾಯಿ ಅಥವಾ ಇತರ ಪೋಷಕರ ಜೊತೆಗೆ ವಿದೇಶ ಪ್ರಯಾಣ ಮಾಡಿರುತ್ತದೆ ಅಷ್ಟೇ. ಹೀಗಿದ್ದಾಗ, ಬಹುಷ: ತಾಯಿಗೆ ಕಳಿಸಬೇಕಾದ ನೋಟಿಸ್ ಮಗುವಿನ ಹೆಸರಲ್ಲಿ ಹೋಗಿ ಪ್ರಮಾದವಾಗಿದೆ.

ಏನಾದರೂ ಇರಲಿ, ಇದು ದೊಡ್ಡ ವಿಷಯ ಆಗಬಾರದು. ಹೋಂ ಕ್ವಾರಂಟೈನ್ನಲ್ಲಿದ್ದವರು ಹೊರಗೆ ಹೋಗಬಾರದು ಎಂಬ ಉದ್ದೇಶಕ್ಕೆ ಮೊಬೈಲ್ ಟ್ರ್ಯಾಕ್ ಮಾಡಲಾಗುತ್ತಿದೆ. ಮುಂಡರಗಿಯಲ್ಲಂತೂ ಅಂತಾ ಪರಿ ವಿದ್ಯುತ್ ವ್ಯತ್ಯಯವಿಲ್ಲ. ಹೀಗಾಗಿ ಹೋಂ ಕ್ವಾರಂಟೈನ್ನಲ್ಲಿರುವವರು ಆದಷ್ಟು ಮೊಬೈಲ್ ಸ್ವಿಚ್ ಆಫ್ ಮಾಡದೇ ಅಥವಾ  ಸ್ವಿಚ್ ಆಫ್ ಆಗದಂತೆ ಈ ಸಂದರ್ಭದಲ್ಲಿ ಸಹಕರಿಸಿದರೆ ಅವರಿಗೂ ಕ್ಷೇಮ, ಆಡಳಿತಕ್ಕೂ ಸಲೀಸು.

ಕೊನೆದಾಗಿ, ಹೀಗೆ ನೋಟಿಸ್ ಕಳಿಸುವಾಗ ಪ್ರಮಾದವಾಗದಂತೆ ನೋಡಿಕೊಳ್ಳುವುದೂ ತಹಸೀಲ್ದಾರ್ ಜವಾಬ್ದಾರಿ ಕೂಡ.

Leave a Reply

Your email address will not be published.

You May Also Like

ಗುಲಾಬ ನಬಿ ಆಜಾದರ ನಿರ್ಣಯ ಕೋಮುವಾದಿ ಶಕ್ತಿಗೆ ಬಲ ತಂದಂತಾಗಿದೆ: ಎಚ್ ಕೆ ಪಾಟೀಲ

ಉತ್ತರಪ್ರಭಗದಗ: ಕಾಂಗ್ರೆಸ್ ಪಕ್ಷವು ಭಾರತ್ ಜೋಡೋ ಎಂಬ ರ್ಯಾಲಿಯ ಮೂಲಕ ಕೋಮುವಾದಿ ಶಕ್ತಿಗಳಿಗೆ ಶಡ್ಡು ಹೋಡೆದು…

ಏ.10 ರಿಂದ ಈ ಜಿಲ್ಲೆಗಳಲ್ಲಿ ನೈಟ್ ಕರ್ಫ್ಯೂ ಜಾರಿ

ಸಾರಿಗೆ ಮುಷ್ಕರ ಹೊತ್ತಲ್ಲೇ ಸರ್ಕಾರ ನೈಟ್‍ಕರ್ಫ್ಯೂ ಜಾರಿ ಮಾಡಿದೆ. ಈ ಮೂಲಕ ಜನಸಾಮಾನ್ಯರಿಗೆ ಏಕಕಾಲಕ್ಕೆ ಎರಡು ಆಘಾತ ಕಾದಿದೆ. ಏ.10 ರಿಂದ ರಾಜ್ಯದ 8 ನಗರಗಳಲ್ಲಿ ನೈಟ್‍ಕರ್ಫ್ಯೂ ಹೇರಲಾಗಿದೆ. ಇತ್ತ ಶನಿವಾರದಿಂದ ಸತತ 4 ದಿನ ರಜೆ ಇರುತ್ತದೆ. ಹೀಗಾಗಿ ಯುಗಾದಿ ಹಬ್ಬಕ್ಕೆ ಊರಿಗೆ ಹೋಗುವವರಿಗೆ ಸಾರಿಗೆ ನೌಕರರ ಮುಷ್ಕರ ಹಿನ್ನೆಲೆ ತೀವ್ರ ಸಂಕಷ್ಟ ಎದುರಾಗಿದೆ.

ಪ್ರಧಾನಿ ನರೇಂದ್ರ ಮೋದಿ ಅವರ ಸದ್ಯದ ಆಸ್ತಿ ಎಷ್ಟು ಗೊತ್ತಾ?

ನವದೆಹಲಿ : ಪ್ರಧಾನಿ ನರೇಂದ್ರ ಮೋದಿ ಅವರು ಕಳೆದ ವರ್ಷಕ್ಕಿಂತಲೂ ಈ ವರ್ಷ ಶ್ರೀಮಂತರಾಗಿದ್ದಾರೆ.ಪ್ರಧಾನಿ ನರೇಂದ್ರ ಮೋದಿ ಅವರ ಆಸ್ತಿಯ ಮೌಲ್ಯ ಕಳೆದ ವರ್ಷಕ್ಕಿಂತಲೂ ಈ ವರ್ಷ ಹೆಚ್ಚಾಗಿದೆ. ಈ ವರ್ಷ ಅವರ ಆಸ್ತಿಯ ಮೌಲ್ಯ ರೂ. 36 ಲಕ್ಷ ಹೆಚ್ಚಳವಾಗಿದೆ.

ಕೊರೋನಾ ವಾರಿಯರ್ಸ್ ಗೆ ಗ್ರಾಮಸ್ಥರಿಂದ ಗೌರವ

ಹಾವೇರಿ: ಕೊರೊನಾ ವಾರಿಯರ್ಸ್ ಸೇವೆ ಸ್ಮರಿಸಿ ಅವರನ್ನು ಇಂದು ಹಾವೇರಿ ಜಿಲ್ಲೆಯಲ್ಲಿ ಗೌರವಿಸಲಾಯಿತು.ಆಶಾ ಕಾರ್ಯಕರ್ತೆಯರು, ಆರೋಗ್ಯ…