ಗದಗ: 8 ದಿನದಿಂದ ಅಗತ್ಯ ವಸ್ತು ಸಿಗದೇ ಕಂಗಾಲಾಗಿದ್ದ ಸೀಲ್ ಡೌನ್ ಪ್ರದೇಶದ ಜನರ ಎದುರು ತಹಸೀಲ್ದಾರ್ ಪ್ರತ್ಯಕ್ಷರಾದರು. ಅಸಮರ್ಪಕ ಸೀಲ್ ಡೌನ್ ನಿರ್ವಹಣೆಯಿಂದ ಸಿಟ್ಟಾಗಿದ್ದ ಲಕ್ಷ್ಮೇಶ್ವರ ತಾಲೂಕಿನ ಬಾಲೇಹೊಸೂರಿನ ಜನರು ಶನಿವಾರ ತಹಸೀಲ್ದಾರ್ ಭ್ರಮರಾಂಬ ಗುಬ್ಬಿಶೆಟ್ಟಿಯವರನ್ನು ತರಾಟೆಗೆ ತೆಗೆದುಕೊಂಡ ಘಟನೆ ನಡೆದಿದೆ.

ಶನಿವಾರ ಮುಂಜಾನೆ ಬಾಲೇಹೊಸೂರಿನ ಜನರು ಆಡಳಿತ ವ್ಯವಸ್ಥೆ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ್ದನ್ನು ‘ಉತ್ತರಪ್ರಭ’ ವರದಿ ಮಾಡಿತ್ತು.

ಮಧ್ಯಾಹ್ನದ ಹೊತ್ತಿಗೆ ಸೀಲ್ ಡೌನ್ ಪ್ರದೇಶಕ್ಕೆ ತಹಸೀಲ್ದಾರ್ ಭ್ರಮರಾಂಬ ಅವರು ಭೇಟಿ ಕೊಟ್ಟಾಗ ಅಲ್ಲಿನ ಮಹಿಳೆಯರು, ಯುವಕರು ಮೇಡಂರನ್ನು ತರಾಟೆಗೆ ತೆಗೆದುಕೊಂಡರು.

‘ಅಲ್ರಿ ಮೇಡಂ, 8 ದಿನಾ ಒಬ್ಬರು ಇತ್ತಾಗ ಬಂದಿಲ್ಲ. ಇಲ್ಲಿ ಎಲ್ಲ ಬಂದ್ ಮಾಡ್ಯಾರ. ಆದ್ರ ಪಂಚಾಯತಿ ಕಾರ್ಯದರ್ಶಿ ಮುಂದ್ ನಿಂತು 80 ರೂಪಾಯಕ್ಕೆ ಕೆಜಿ ಟೊಮೆಟೊ ಮಾರಿಸ್ತಾನ. ವಿಡಿಯೋ ಮಾಡಿದ್ರ ಯಾಕ್ ಮಾಡ್ತೀರಿ ಅಂತಾನ. ಇಲ್ಲಿ ನೋಡಿದ್ರ ದುಡಿಮಿ ಇಲ್ಲ, ಅಕ್ಕಿನೂ ಕೊಟ್ಟಿಲ್ಲ’ ಎಂದು ಜನ ಆಕ್ರೋಶ ವ್ಯಕ್ತಪಡಿಸಿದರು.

ಎಲ್ಲದಕ್ಕೂ ಮೌನವೇ ಉತ್ತರ ಎಂಬಂತಿದ್ದ ಭ್ರಮರಾಂಬರಿಗೆ ಭ್ರಮನಿರಶನದಲ್ಲಿದ್ದ ಜನರ ಎದುರು ಉತ್ತರಿಸಲಾಗಲಿಲ್ಲ.

8 ದಿನದ ನಂತರ ಬಂದ ಮೇಡಂ ಪ್ರತಿ ಮನೆಗೆ ಎರಡು ಕೆಜಿ ಅಕ್ಕಿ, ಎರಡು ಕೆಜಿ ಸಕ್ಕರಿ ಕೊಟ್ಟರಷ್ಟೇ. ಜನ ಗುಬ್ಬಿಗಳಂತೆ ಈಟೀಟು ತಿನ್ನಲು ಆಗುತ್ತಾ ಎಂಬ ಪ್ರಶ್ನೆ ಕೇಳಿ ಬಂದಿತು.

ಈಗ ಎಲ್ಲ ಒದಗಿಸುವ ಭರವಸೆಯ ಸಿಹಿಮಾತು ಹೇಳಿ ಹೋಗಿದ್ದಾರೆ. ತಮ್ಮ ಆಡಳಿತದ ತಪ್ಪು ನೋಡಿ ಭ್ರಮರಾಂಬರೇ ಭ್ರಮನಿರಶರಾಗಿರಬಹುದು ಎಂದು ಜನ ಮಾತಾಡಿಕೊಳ್ಳುವಂತಿತ್ತು ತಹಸೀಲ್ದಾರರ ವರ್ತನೆ.

Leave a Reply

Your email address will not be published.

You May Also Like

ಕೊರೊನಾದಿಂದಾಗಿ ಮಲೆ ಮಹದೇಶ್ವರನಿಗೆ ಎಷ್ಟು ನಷ್ಟವಾಗಿದೆ ಗೊತ್ತಾ?

ಹುಂಡಿಯೊಂದರಲ್ಲಿಯೇ ಪ್ರತಿ ತಿಂಗಳು ಕೋಟಿ ರೂ.ಗೂ ಹೆಚ್ಚು ಸಂಗ್ರಹವಾಗುತ್ತಿತ್ತು. ಚಿನ್ನದ ತೇರು, ವಿವಿಧ ಸೇವೆ ಲಾಡು ಮಾರಾಟ ಹಾಗೂ ವಸತಿ ಗೃಹ ಮೊದಲಾದ ಮೂಲಗಳಿಂದ ಬರುತ್ತಿದ್ದ ಆದಾಯದಲ್ಲಿ ಇದೀಗ ಕೋಟಿಗಟ್ಟಲೆ ಕಡಿತವಾಗಿದೆ.

ಬೀದರ್ ನಲ್ಲಿ ಮತ್ತೆ ಆತಂಕ!

ದೆಹಲಿಯಲ್ಲಿ ನಡೆದ ಜಮಾತ್‍ ಸಭೆಗೆ ಹೋಗಿ ಬಂದಿದ್ದ ಕೊರೊನಾ ಸೋಂಕಿತ ವ್ಯಕ್ತಿಯಿಂದ ಹಳೇ ಸಿಟಿಯಲ್ಲಿ ಇಂದು ಮತ್ತೆ ಇಬ್ಬರು ಸೋಂಕು ತಗುಲಿದೆ.

ಬೆಂಗಳೂರಿನತ್ತ ಮುಖ ಮಾಡಿದ ಜನರು!

ಬೆಂಗಳೂರು: ಲಾಕ್ ಡೌನ್ ಆರಂಭವಾಗುತ್ತಿದ್ದಂತೆ ಬೆಂಗಳೂರಿನಿಂದ ಕಾಲ್ಕಿತ್ತ ಜನರು ಸದ್ಯ ಮತ್ತೆ ನಗರದತ್ತ ಮುಖ ಮಾಡುತ್ತಿದ್ದಾರೆ.…

ಕಾನೂನು ಲೆಕ್ಕಕ್ಕಿಲ್ಲ ಲಕ್ಕುಂಡಿ ಗ್ರಾಮ ಪಂಚಾಯತಿಗೆ..?: ಜನರ ಆರೋಗ್ಯ ಒತ್ತೆ ಇಡಲು ಹೊರಟಿತ್ತಾ ಗ್ರಾಪಂ..!

ಗದಗ: ಗ್ರಾಮದ ಅಭಿವೃದ್ಧಿಗೆ ಪೂರಕವಾಗಿರಬೇಕಿದ್ದ ಗ್ರಾಮ ಪಂಚಾಯತಿ ಆಡಳಿತ ಮಂಡಳಿ ಗ್ರಾಮವನ್ನೆ ಮಾರಾಟ ಮಾಡಲು ಹಿಂಜರಿಯುವುದಿಲ್ಲ…