ಕೋಲಾರ: ಕೊರೋನಾ ಸೋಂಕು ಹರಡುತ್ತಿರುವ ಈ ಸಂದರ್ಭದಲ್ಲಿ ಅದರ ನಾಗಾಲೋಟ ನಿಯಂತ್ರಣಕ್ಕೆ ಸಾಕಷ್ಟು ಪ್ರಯತ್ನಗಳು ನಡೆದಿವೆ. ಆದರೆ ಆದರೆ ಸೋಂಕು ತುರ್ತಾಗಿ ಪತ್ತೆ ಹಚ್ಚಲು ಕಿಟ್ ಗಳ ಅವಶ್ಯಕತೆ ತುಂಬಾ ಇತ್ತು. ಇದೀಗ ಜಿಲ್ಲೆಗೆ ರ್ಯಾಪಿಡ್ ಆಂಟಿ ಬಾಡಿ ಟೆಸ್ಟಿಂಗ್ ಕಿಟ್ ಗಳು ಬಂದಿವೆ.
20 ನಿಮಿಷದಲ್ಲಿ ಕೊರೋನಾ ಸೋಂಕು ಪತ್ತೆ
ಕೊರೋನಾ ಸೋಂಕು ಶಿಘ್ರ ಪತ್ತೆ ಹಚ್ಚುವ ಕಿಟ್ ಗಳನ್ನು ದಕ್ಷಿಣ ಕೋರಿಯಾದಲ್ಲಿ ಸಿದ್ಧಪಡಿಸಲಾಗಿತ್ತು. ಇಪ್ಪತ್ತು ನಿಮಿಷದ ಒಳಗಾಗಿ ಕೊರೋನಾ ಸೋಂಕು ಪತ್ತೆ ಮಾಡುವ ದಕ್ಷಿಣ ಕೊರಿಯಾದ ಕಿಟ್ ಳನ್ನು ಟಾಟಾ ಟ್ರಸ್ಟ್ ದೇಣಿಗೆಯಾಗಿ ಕೊಟ್ಟಿದೆ. 1500 ಕಿಟ್ ಗಳನ್ನು ಟಾಟಾ ಟ್ರಸ್ಟ್ ಕೋಲಾರ ಜಿಲ್ಲೆಯ ಆರೋಗ್ಯ ಇಲಾಖೆಗೆ ದೇಣಿಗೆ ನೀಡಿದೆ. ಇದರಿಂದಾಗಿ ಸೋಂಕಿನ ಪರೀಕ್ಷಾ ವರದಿಗಾಗಿ ದಿನಗಟ್ಟಲೆ ಕಾಯುವುದು ತಪ್ಪಿದಂತಾಗುತ್ತದೆ
ಯಾವುದೇ ಸೋಂಕಿದ್ದರೂ ಪತ್ತೆ ಹಚ್ಚಬಹುದು
ರ್ಯಾಪಿಡ್ ಆಂಟಿ ಬಾಡಿ ಟೆಸ್ಟಿಂಗ್ ಕಿಟ್ ಸಹಾಯದಿಂದ ದೇಹದಲ್ಲಿ ಯಾವುದೇ ಸೋಂಕಿದ್ದರು ಪರೀಕ್ಷಿಸಿ ಪತ್ತೆ ಹಚ್ಚಬಹುದು. ಒಂದು ಹನಿ ರಕ್ತವನ್ನು ಈ ಟೆಸ್ಟಿಂಗ್ ಕಿಟ್ ಮೇಲೆ ಹಾಕಿದರೆ ಸೋಂಕಿನ ಬಗ್ಗೆ ಗೊತ್ತಾಗುತ್ತದೆ. ಇದರ ಸಹಾಯದಿಂದ ರೋಗಿಗೆ ತುರ್ತು ಚಿಕಿತ್ಸೆ ನೀಡಲು ಸಹಕಾರಿಯಾಗುತ್ತದೆ. ಈ ಪ್ರಯತ್ನ ಬಹುತೇಕ ದೇಶದಲ್ಲಿಯೇ ಪ್ರಥಮ ಎಂದು ಹೇಳಲಾಗುತ್ತಿದೆ.
