ಸಿದ್ಧರಾಮಯ್ಯ ಗೆ ಅಹಿಂದ ಮತದಾರರ ಬೆಂಬಲ

ಉತ್ತರಪ್ರಭ ಸುದ್ದಿ

ಬಸವನಬಾಗೇವಾಡಿ:

ಶಿವಾನಂದ ಪಾಟೀಲ ಎರಡೂ ಬಾರಿ ಬಸವನಬಾಗೇವಾಡಿ ಕ್ಷೇತ್ರದಲ್ಲಿ ಸ್ಪರ್ಧಿಸಿದಾಗ ಎರಡೂ ಬಾರಿ ಸಿದ್ಧರಾಮಯ್ಯ ಆಗಮಿಸಿ ಕುರುಬ ಸಮಾಜ ಸೇರಿದಂತೆ ಎಲ್ಲಾ ಜನಾಂಗಗಳು ಪಾಟೀಲರಿಗೆ ಬೆಂಬಲಿಸಲು ಮನವಿ ಮಾಡಿದ್ದರು. ಅವರ ಮನವಿಯ ಮೇರೆಗೆ ಅಹಿಂದ ಮತಗಳು ಕ್ರೋಡಿಕೃತಗೊಂಡು ಶಿವಾನಂದ ಪಾಟೀಲ ಆರಿಸಿ ಬರಲು ಸಾಧ್ಯವಾಯಿತು.

ಆದರೆ ಈಚೆಗೆ ದಾವಣಗೆರೆಗೆ ತೆರಳಲು ಅಗತ್ಯ ಸಾರಿಗೆ ವ್ಯವಸ್ಥೆ ಮಾಡದ ಕಾರಣ, ಸಿದ್ಧರಾಮಯ್ಯನವರ ಅಭಿಮಾನಿಗಳು ತಾಲ್ಲೂಕಿನಾದ್ಯಂತ ಸ್ವಂತ ಖರ್ಚಿನಲ್ಲಿ ಹೋಗಬೇಕಾಯಿತು. ಇದು ಬಡ ಅಭಿಮಾನಿಗಳಿಗೆ ತೊಂದರೆಯಾಯಿತು ಎಂದು ಅವರು ಆರೋಪಿಸಿದ್ದಾರೆ.

ಬೇನಾಳ, ಅರಳದಿನ್ನಿ, ಬೀರಲದಿನ್ನಿ, ಗಣಿ, ಚಿಮ್ಮಲಗಿ, ಕುರಬರದಿನ್ನಿ, ಕವಲಗಿ ಸೇರಿದಂತೆ 20 ಕ್ಕೂ ಹೆಚ್ಚು ಗ್ರಾಮಗಳ ಸಿದ್ಧರಾಮಯ್ಯ ಅಭಿಮಾನಿಗಳಿಗೆ ತೊಂದರೆಯಾಗಿದೆ, ಈ ಬಗ್ಗೆ ಶಾಸಕರ ಆಪ್ತರಿಗೆ, ಬಸವನಬಾಗೇವಾಡಿ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷರಿಗೆ ಕರೆ ಮಾಡಿದರೂ ಸ್ಪಂದನೆ ದೊರೆಯಲಿಲ್ಲ ಎಂದು ಅವರು ಆರೋಪಿಸಿದ್ದಾರೆ.

2018 ರಲ್ಲಿ ಅಲ್ಪ ಮತದಿಂದ ವಿಜಯಿಯಾದ ಶಿವಾನಂದ ಪಾಟೀಲರು ವಿಜಯೋತ್ಸವದಲ್ಲಿ ಬಹಿರಂಗ ಭಾಷಣದಲ್ಲಿ, ತಮಗೆ ಬೆಂಬಲ ನೀಡಿದ ಜನಾಂಗಗಳು ಹಾಗೂ ಪ್ರದೇಶಗಳ ಬಗ್ಗೆ ಹೇಳಿಕೊಂಡಿದ್ದರು. ಜಯದ ಹಿಂದೆ ಸಿದ್ಧರಾಮಯ್ಯನವರ ಅಭಿಮಾನಿಗಳು ಹಾಗೂ ತಾಲ್ಲೂಕಿನ ಇಡೀ ಹಾಲುಮತ ಸಮಾಜ ಸೇರಿ ಅಹಿಂದ ಮತದಾರರು ಇದ್ದಾರೆ, ಮುಂದಿನ ಚುನಾವಣಾ ಸಂದರ್ಭದಲ್ಲಿ ಯಾವ ಮಾನದಂಡ ಅನುಸರಿಸಬೇಕು ಎನ್ನುವುದನ್ನು ತೀರ್ಮಾನಿಸಲಾಗುವುದು ಎಂದು ಸಿದ್ಧರಾಮಯ್ಯ ಅಭಿಮಾನಿ ಯುವಕರು ತಿಳಿಸಿದ್ದಾರೆ.

ಈ ಹೇಳಿಕೆಗೆ ಪ್ರವೀಣ ವಾಲೀಕಾರ, ರಮೇಶ ಮಾಗಿ, ಬಸವರಾಜ ಕುರಿ, ಜಾನು ಸಿದ್ಧನಾಥ, ಯಲಗೂರೇಶ ಮೇಟಿ, ರವಿ ಕಾಳಗಿ, ನಾಗು ಹೊಸಮನಿ, ಬಸು ಹಳೇಮನಿ, ಬೀರು ಸುನಗದ ಕೂಡಾ ಈ ಹೇಳಿಕೆಗೆ ಬೆಂಬಲಿಸಿದ್ದಾರೆ.