ಗದಗ ಜಿಲ್ಲೆಯಲ್ಲಿ ಹರ್ತಿ, ಮುಂಡರಗಿ/ಇಟಗಿ ಮತ್ತು ಹೊಂಬಳದಲ್ಲಿ ಸಾಕಷ್ಟು ಜನರಿಗೆ ಸೋಂಕು ಹರಡಿಸಿದ ಸುಪರ್ ಸ್ಪ್ರೆಡರ್ಸ್ ಕಂಡು ಬಂದಿದ್ದರು. ಈಗ ಸೀತಾಲಹರಿಯ ಸುಪರ್ ಸ್ಪ್ರೆಡರ್ ಪ್ರಾಥಮಿಕ ಸಂಪರ್ಕದಲ್ಲೇ 11 ಜನರಿಗೆ ಸೋಂಕು ಅಂಟಿಸಿದ್ದಾರೆ.
ಗದಗ: ಸುಪರ್ ಸ್ಪ್ರೆಡರ್ ಕುರಿತು ಉತ್ತರಪ್ರಭ ವಾರದ ಹಿಂದೆ ವಿವರವಾಗಿ ಬರೆದಿತ್ತು. ಟ್ರೇಸಿಂಗ್ ಪ್ರಕ್ರಿಯೆಯಲ್ಲಿ (ಪ್ರಾಥಮಿಕ ಮತ್ತು ದ್ವಿತೀಯ ಸಂಪರ್ಕದ ಹುಡುಕಾಟ) ಲೋಪದೋಷ ಆಗುತ್ತಿರುವುದಕ್ಕೆ ಈ ತರಹದ ಸುಪರ್ ಸ್ಪ್ರೆಡರ್ ತಮಗೇ ಅರಿವಿಲ್ಲದಂತೆ ಸೋಂಕನ್ನು ಹರಡಿಸುತ್ತ ಹೋಗುತ್ತಾರೆ.
ಈಗ ಗದಗ ತಾಲೂಕಿನ ಸೀತಾಲಹರಿ ಗ್ರಾಮದ ಪಿ-31130 ಎಂಬ ಕೋವಿಡ್ ರೋಗಿಯಿಂದ ಸದ್ಯಕ್ಕೆ ಅಧಿಕೃತವಾಗಿ 11 ಜನರಿಗೆ ಸೋಂಕು ತಗುಲಿದೆ. (ನಂತರ ಪಿ-31130 ಚಿಕಿತ್ಸೆ ಫಲಿಸದೇ ನಿಧನರಾದರು)
ಕೊಪ್ಪಳ ಜಿಲ್ಲೆಯಲ್ಲಿ ಸಾರಿಗೆ ಇಲಾಖೆಯಲ್ಲಿ ಡ್ರೈವರ್-ಕಂ-ಕಂಡಕ್ಟರ್ ಆಗಿದ್ದ ಅವರು, ಸದ್ಯಕ್ಕೆ ಡ್ಯೂಟಿಗೆ ಹಾಕದ ಕಾರಣ ಸೀತಾಲಹರಿಗೆ ಬಂದು ಕೃಷಿಯಲ್ಲಿ ನಿರತರಾಗಿದ್ದರು. ಅವರಿಗೆ ಎದೆ ನೋವು ಕಾಣಿಸಿಕೊಂಡಾಗ, ಕೆಲವರು ಬಾಯಿಯ ಮೂಲಕ ಉಸಿರು ತುಂಬಲು ಯತ್ನಿಸಿದರು ಎನ್ನಲಾಗಿದೆ. ನಂತರ ಆಸ್ಪತ್ರೆಗೆ ದಾಖಲಿಸಿದಾಗ ಅವರಿಗೆ ಕೋವಿಡ್ ಪಾಸಿಟಿವ್ ದೃಢವಾಗಿತ್ತು.
ಈ ಸುಪರ್ ಸ್ಪ್ರೆಡರ್ ಇನ್ನೆಷ್ಟು ಜನರ ಸಂಪರ್ಕಕ್ಕೆ ಬಂದಿದ್ದರೋ ಗೊತ್ತಿಲ್ಲ. ಈಗ ಪ್ರಾಥಮಿಕ ಸಂಪರ್ಕದಿಂದ ಸೋಂಕು ತಗುಲಿದ 11 ಜನರು ಚಿಕಿತ್ಸೆ ಪಡೆಯುತ್ತಿದ್ದಾರೆ. ಈ 11 ಜನರ ಸಂಪರ್ಕಕ್ಕೆ ಬಂದ ದ್ವಿತೀಯ ಸಂಪರ್ಕಿತರು ಎಷ್ಟು ಜನರಿರಬಹುದು?
ಪ್ರಾಥಮಿಕ ಸಂಪರ್ಕಿತ ಸೋಂಕಿತರು
gdg-351, gdg-352, gdg-353, gdg-354, gdg-356, gdg-361, gdg-362, gdg-363, gdg-364, gdg-365, gdg-366 ಈಗ ಪಿ-31130 ಪ್ರಾಥಮಿಕ ಸಂಪರ್ಕದಿಂದ ಸೋಂಕಿತರಾಗಿದ್ದಾರೆ. ಇನ್ನು ದ್ವಿತೀಯ ಸಂಪರ್ಕದ ಕೇಸುಗಳೂ ವರದಿಯಾಗುತ್ತಿವೆ. ಈ ವಿಷಯದಲ್ಲಿ ಜಿಲ್ಲಾಡಳಿತ ಟ್ರೇಸಿಂಗ್ ಚುರುಕುಗೊಳಿಸಬೇಕಿದೆ.
