ದೆಹಲಿ: ನ್ಯೂಜಿಲೆಂಡ್ ಮತ್ತು ಫ್ರಾನ್ಸ್ ನಂತ್ರ ಈಗ ಬುರ್ಖಾ ನಿಷೇಧಕ್ಕೆ ಶ್ರೀಲಂಕಾ ರಾಷ್ಟ್ರ ಮುಂದಾಗಿದೆ. ಅದ್ರಂತೆ, ಬುರ್ಖಾ ಧರಿಸಿದ, ಸಾವಿರಕ್ಕೂ ಹೆಚ್ಚು ಇಸ್ಲಾಮಿಕ್ ಶಾಲೆಗಳನ್ನ ನಿಷೇಧಿಸಲು ಶ್ರೀಲಂಕಾ ಸರ್ಕಾರ ಸಿದ್ಧತೆ ನಡೆಸುತ್ತಿದೆ.
ಸಾರ್ವಜನಿಕ ಭದ್ರತಾ ಸಚಿವ ಶರತ್ ವೆರಸೆಕೇರಾ ಅವರು ಶುಕ್ರವಾರ ಪತ್ರಿಕಾಗೋಷ್ಠಿ ನಡೆಸಿದ್ದು, ರಾಷ್ಟ್ರೀಯ ಭದ್ರತೆಯ ಹಿತದೃಷ್ಟಿಯಿಂದ ಮುಸ್ಲಿಂ ಮಹಿಳೆಯರು ಧರಿಸುವ ಬಟ್ಟೆಗಳ ಮೇಲೆ ನಿಷೇಧ ಹೇರುವುದು ಅವಶ್ಯಕವಾಗಿದೆ. ಇನ್ನು ನಮ್ಮ ಆರಂಭದ ದಿನಗಳಲ್ಲಿ ಮುಸ್ಲಿಂ ಮಹಿಳೆಯರು ಮತ್ತು ಹುಡುಗಿಯರು ಬುರ್ಖಾ ಧರಿಸಿರಲಿಲ್ಲ ಎಂದು ಹೇಳಿದರು.
2019ರಲ್ಲಿ ತಾತ್ಕಾಲಿಕ ಬುರ್ಖಾ ನಿಷೇಧ..!
ಇದು ಇತ್ತೀಚೆಗೆ ಬಹಿರಂಗಗೊಂಡ ಧಾರ್ಮಿಕ ಉಗ್ರವಾದದ ಸಂಕೇತವಾಗಿದ್ದು, ನಾವು ಖಂಡಿತವಾಗಿಯೂ ಅದನ್ನ ನಿಷೇಧಿಸುತ್ತೇವೆ ಎಂದು ವೆರಕೇರಾ ಹೇಳಿದರು. ಶ್ರೀಲಂಕಾದ ಜನಸಂಖ್ಯೆಯ ಬಹುಪಾಲು ಬೌದ್ಧ ಧರ್ಮೀಯರು ಇರೋದ್ರಿಂದ 2019ರಲ್ಲಿ ಇಲ್ಲಿನ ಚರ್ಚ್ ಗಳು ಮತ್ತು ಹೋಟೆಲ್ಗಳ ಮೇಲೆ ಇಸ್ಲಾಮಿಕ್ ಉಗ್ರರು ದಾಳಿ ನೆಸಿದ್ರು. ಈ ದಾಳಿಯಲ್ಲಿ ಉಗ್ರರು 250ಕ್ಕೂ ಹೆಚ್ಚು ಜನರನ್ನ ಬಲಿ ತೆಗೆದುಕೊಂಡ ಹಿನ್ನೆಲೆಯಲ್ಲಿ ಶ್ರೀಲಂಕಾ ತಾತ್ಕಾಲಿಕವಾಗಿ ಬುರ್ಖಾ ನಿಷೇಧ ಹೇರಿತ್ತು.