ಮುಂಬಯಿ: ಮೊಸರಿನಿಂದಾಗಿ ಶುರುವಾದ ಜಗಳದಲ್ಲಿ ಪತ್ನಿಯ ಕೊಂದ ಪತಿಗೆ ನ್ಯಾಯಾಲಯ 8 ವರ್ಷಗಳ ಶಿಕ್ಷೆ ವಿಧಿಸಿದೆ.
ಆಂಟಾಪ್ ಹಿಲ್ ನ ನಿವಾಸಿ ಸಚಿನ್ ಮಾಲೊರೆ (39) ಶಿಕ್ಷೆಗೆ ಒಳಗಾದ ಪತಿ. ಈ ವ್ಯಕ್ತಿ ಪತ್ನಿ ರಂಜನಾ ಅವರ ಹೊಟ್ಟೆಗೆ ಚಾಕುವಿನಿಂದ ಇರಿದಿದ್ದ. ಈ ಘಟನೆ ಎರಡು ವರ್ಷಗಳ ಹಿಂದೆ ನಡೆದಿದೆ. ಸಚಿನ್ ತನ್ನ ಮನೆಗೆ ಮೊಸರನ್ನ ತಂದಿದ್ದರು. ಇದನ್ನು ಪತಿಗೆ ನೀಡದೆ, ಪತ್ನಿ ತಿಂದಿದ್ದರು. ಈ ವಿಷಯವಾಗಿ ಇಬ್ಬರ ನಡುವೆ ಜಗಳ ಶುರುವಾಗಿತ್ತು.
ಈ ಸಂದರ್ಭದಲ್ಲಿ ಕೋಪಗೊಂಡ ಪತಿ, ಪತ್ನಿಯ ಹೊಟ್ಟೆಗೆ ಚಾಕುವಿನಿಂದ ಇರಿದು ತಲೆ ಮರೆಸಿಕೊಂಡಿದ್ದ. ಅಕ್ಕ – ಪಕ್ಕದವರು ಪತ್ನಿಯನ್ನು ಆಸ್ಪತ್ರೆಗೆ ದಾಖಲಿಸಿದ್ದರು. ಆಗ ಪತ್ನಿಯು ಪತಿಯ ವಿರುದ್ಧ ದೂರು ದಾಖಲಿಸಿದ್ದರು. ವಾದ – ವಿವಾದ ಆಲಿಸಿದ ಕೋರ್ಟ್, ಪತಿಗೆ 8 ವರ್ಷಗಳ ಶಿಕ್ಷೆ ವಿಧಿಸಿದೆ.
ವಿಚಾರಣೆ ಸಮಯದಲ್ಲಿ ಪತಿಯು ಆಕಸ್ಮಿಕವಾಗಿ ರಂಜನಾ ಉಕ್ಕಿನ ಪಾತ್ರೆಯ ಮೇಲೆ ಬಿದ್ದಿದ್ದಾಳೆ. ಹೀಗಾಗಿ ಗಾಯವಾಗಿದೆ ಎಂದು ವಾದಿಸಿದ್ದ. ಆದರೆ, ವೈದ್ಯಕೀಯ ಸಾಕ್ಷ್ಯಗಳು ಹಾಗೂ ಪ್ರತ್ಯಕ್ಷದರ್ಶಿಗಳಿಂದಾಗಿ ಆರೋಪಿ ಪತಿಗೆ ಶಿಕ್ಷೆಯಾಗುವಂತಾಗಿದೆ.