ಗಜೇಂದ್ರಗಡ: ಪ್ರಾಥಮಿಕ ಶಾಲಾ ಶಿಕ್ಷಕರ ಸಂಘದ ಚುನಾವಣಾ ಫಲಿತಾಂಶ 

ಗಜೇಂದ್ರಗಡ: ತೀವೃ ಕುತೂಹಲ ಕೆರಳಿಸುವುದಲ್ಲದೇ, ಪೈಪೋಟಿಗೆ ಕಾರಣವಾಗಿದ್ದ ರಾಜ್ಯ ಪ್ರಾಥಮಿಕ ಶಾಲಾ ಶಿಕ್ಷಕರ ಸಂಘದ ಚುನಾವಣಾ ಫಲಿತಾಂಶ ಮಂಗಳವಾರ ರಾತ್ರಿ ಪ್ರಕಟವಾಗಿದೆ.

ಗಜೇಂದ್ರಗಡ ತಾಲೂಕಾ ಸಂಘದ ಒಟ್ಟು 10 ಸ್ಥಾನಗಳಿಗೆ 18 ಜನರು ಸ್ಪರ್ಧಿಸಿದ್ದರು. ಗ್ರಾಮ ಪಂಚಾಯತ್ ಚುನಾವನೆ ಮದ್ಯೆಯೂ ಕಳೆದೊಂದು ವಾರಗಳಿಂದ ಶಿಕ್ಷಕರು ಶಾಲೆಗಳಿಗೆ ತೆರಳುವ ಮೂಲಕ ಭರ್ಜರಿ ಪ್ರಚಾರ ನಡೆಸಿದ್ದರು.

ಐದು ವರ್ಷಗಳ ಅಧಿಕಾರವಧಿಗೆ ಶಿಕ್ಷಕರ ವಲಯದಲ್ಲಿ ಪೈಪೋಟಿಗಳು ಏರ್ಪಟ್ಟಿದ್ದವು. ಆದರೆ ಅಂತಿಮವಾಗಿ ಮತದಾರು ಶಿಕ್ಷಕರು 7 ಪುರುಷ 3 ಮಹಿಳಾ ಶಿಕ್ಷಕರನ್ನು ಆಯ್ಕೆ ಮಾಡುವ ಮೂಲಕ ರಾಜ್ಯ ಪ್ರಾಥಮಿಕ ಶಾಲಾ ಶಿಕ್ಷಕರ ಸಂಘದ ಚುನಾವಣೆಗೆ ನಾಂದಿ ಹಾಡಿದ್ದಾರೆ.

466 ಮತದಾರರಲ್ಲಿ ೩೮೪ ಮತಗಳು ಚಲಾವಣೆಯಾಗಿದ್ದವು. ಅಂತಿಮವಾಗಿ ಬಿ.ಎಸ್. ಅಣ್ಣಿಗೇರಿ, ಎ.ಕೆ. ಒಂಟಿ, ವಿ.ಎ. ಹಾದಿಮನಿ, ಎಸ್.ಕೆ. ಸರಗಣಾಚಾರಿ, ಮಹಮ್ಮದರಫಿ ಹುನಗುಂದ, ಬಸವರಾಜ ಹಿರೇಮಠ, ಎಸ್.ಎಚ್. ಪರಸಣ್ಣವರ, ಎಸ್.ಆರ್. ಅಂಗಡಿ, ಎಫ್.ಎಫ್. ದೊಡ್ಡಮನಿ, ಸುಧಾ ಜಾಡರ ಅವರು ಚುನಾವಣೆಯಲ್ಲಿ ಹೆಚ್ಚು ಮತ ಪಡೆದು ವಿಜಯ ಸಾಧಿಸಿದರು.

ಫಲಿತಾಂಶ ಹೊರಬೀಳುತ್ತಿದ್ದಂತೆ ಮತಗಟ್ಟೆ ಕೇಂದ್ರದ ಮುಂದೆ ಜಮಾಮಿಸಿದ್ದ ಶಿಕ್ಷಕರು ಸ್ಪರ್ಧೆಯಲ್ಲಿ ಜಯಗಳಿಗೆ ಶಿಕ್ಷಕರಿಗೆ ಹೂಮಾಲೆ ಹಾಕುವ ಮೂಲಕ ಅಭಿನಂದಿಸಿ, ಸಂಭ್ರಮಿಸಿದರು. ಈ ಸಂದರ್ಭದಲ್ಲಿ ಶಿಕ್ಷಕರಾದ ಎಸ್.ಎ. ಜಿಗಳೂರ, ಎಸ್.ಎಸ್. ಕೊಪ್ಪರದ, ಆರ್.ಜಿ. ಮ್ಯಾಕಲ್, ಕೆ.ಜಿ. ಸಂಗಟಿ ಸೇರಿದಂತೆ ಹಲವಾರು ಶಿಕ್ಷಕರು ಪಾಲ್ಗೊಂಡಿದ್ದರು. ಚುನಾವಣಾ ಅಧಿಕಾರಿಯಾಗಿ ಎಸ್.ಎಂ. ಬದಾಮಿ ಮತ್ತು ಸಹಾಯಕ ಚುನಾವಣಾ ಅಧಿಕಾರಿ ಸಿ.ಎ¸ಸ್. ಹರಗಬಾಳ, ಮತದಾನ ಅಧಿಕಾರಿ, ಎಸ್.ಎಂ ಅಗಸಿಬಾಗಿಲ, ಐ.ಕೆ. ಹಂಸನೂರ, ಎಸ್.ಪಿ. ಕುರಿ ಸೇರಿದಂತೆ ಇತರರು ಕಾರ್ಯ ನಿರ್ವಹಿಸಿದರು.