ಯಶಸ್ವಿಯಾಗಿ ಪ್ರಯೋಗ ಕಂಡ ಹಾರುವ ಕಾರು….ಇದು ರಸ್ತೆಗೂ ಸೈ…ಹಾರುವುದಕ್ಕೂ ಸೈ!

ನವದೆಹಲಿ: ಹಾರುವ ಕಾರು ಆವಿಷ್ಕಾರಗೊಂಡಿದ್ದು, ಈ ಕಾರು ನೆಲದ ಮೇಲೆಯೂ ಉರುಳುತ್ತದೆ ಹಾಗೂ ಆಕಾಶದಲ್ಲಿಯೂ ಹಾರುವ ಸಾಮರ್ಥ್ಯ ಹೊಂದಿದೆ.

ಯೂರೋಪ್‍ ನ ಸ್ಲೋವಾಕಿಯಾ ದೇಶದಲ್ಲಿನ ಕ್ಲೈನ್ ವಿಷನ್ ಎಂಬ ಕಂನಪಿ ಏರ್ ಕಾರು ತಯಾರಿಸುವ ಮೂಲಕ ಹೊಸ ಕನಸಿಗೆ ಗರಿ ಮೂಡಿಸಿದೆ.

ಈ ಕಾರಿನ ತೂಕ 1,100 ಕೆ.ಜಿ ಇದೆ. ಇದು ಹೆಚ್ಚುವರಿಯಾಗಿ 200 ಕೆ.ಜಿ ತೂಕ ಹೊತ್ತಯ್ಯುವ ಸಾಮರ್ಥ್ಯ ಹೊಂದಿದೆ. ಇದು ಕೇವಲ 3 ನಿಮಿಷದೊಳಗೆ ರಸ್ತೆಯಿಂದ ಆಕಾಶಕ್ಕೆ ಹಾರಬಲ್ಲದು. 

ಈ ಫ್ಲೈಯಿಂಗ್ ಕಾರು ಪರೀಕ್ಷಾರ್ಥ ಹಾರಾಟದಲ್ಲಿ ಯಶಸ್ವಿ ಕಂಡಿದೆ. ಹಾರುವ ಸಂದರ್ಭದಲ್ಲಿ ಈ ಕಾರು ತನ್ನಷ್ಟಕ್ಕೆ ತಾನೇ ಏರೋಪ್ಲೇನ್ ಆಗಿ ಬದಲಾವಣೆ ಹೊಂದುತ್ತದೆ. ಸದ್ಯ ಈ ಕಾರು ಹಾರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈದರ್ ಆಗುತ್ತಿದೆ.

 ಇದು ಆಕಾಶದಲ್ಲಿ 300 ಮೀಟರ್ ಎತ್ತರಕ್ಕೆ ಹಾರಲಿದೆ. ಅಲ್ಲದೆ ಪ್ರತಿ ಗಂಟೆಗೆ 200 ಕಿ.ಮೀ ವೇಗದಲ್ಲಿ ಚಲಿಸುತ್ತದೆ ಎಂದು ಸಂಸ್ಥೆ ತಿಳಿಸಿದೆ.