ಹುಬ್ಬಳ್ಳಿ: ಸೋಂಕಿತರಿಗೆ ಐಸೊಲೇಷನ್ ವಾರ್ಡ್ನಲ್ಲಿ ಚಿಕಿತ್ಸೆ ನೀಡಲಾಗುತ್ತಿರುವ ಸಂದರ್ಭದಲ್ಲಿ ವೈದ್ಯರು ಹಾಗೂ ಸಿಬ್ಬಂದಿ ವಾರ್ಡ್ ಗೆ ತೆರಳುತ್ತಿರುವ ಸಂದರ್ಭದಲ್ಲಿ ಪ್ರತಿ ಬಾರಿಯೂ ಪಿಪಿಇ ಕಿಟ್ ಧರಿಸಲೇಬೇಕು. ಈ ತಾಪತ್ರಯ ತಪ್ಪಿಸುವ ನಿಟ್ಟಿನಲ್ಲಿ ವಿದ್ಯಾರ್ಥಿಗಳು ಇಲ್ಲೊಂದು ವಾಹನ ಕಂಡು ಹಿಡಿದಿದ್ದಾರೆ.
ಇಲ್ಲಿಯ ಕೆಎಲ್ ಇ ಎಂಜನೀಯರಿಂಗ್ ಕಾಲೇಜಿನ ವಿದ್ಯಾರ್ಥಿಗಳು ಸೋಂಕಿತರಿಗೆ ಆಹಾರ, ಔಷಧ ವಿತರಿಸುವ ವಾಹನ ಕಂಡು ಹಿಡಿದಿದ್ದಾರೆ. ಈ ವಾಹನ ಸ್ವಯಂ ಚಾಲಿತವಾಗಿ ಸಂಚರಿಸಲಿದೆ.
ವೈರ್ ಲೆಸ್ ತಂತ್ರಜ್ಞಾನದ ಮೂಲಕ ಈ ವಾಹನ ಸಂಚರಿಸಲಿದೆ. ಈ ವಾಹನದಲ್ಲಿ ನಾಲ್ಕು ವಿಭಾಗಗಳಿವೆ. ಆ ವಿಭಾಗದಲ್ಲಿ ಆಹಾರ ಮತ್ತು ಔಷಧಿಗಳನ್ನು ಇಟ್ಟು ಸೋಂಕಿತರಿಗೆ ತಲುಪಿಸಬಹುದು. ಸದ್ಯ ವಾಹನದ ಪ್ರಾತ್ಯಕ್ಷಿಕೆ ನಡೆಸಲಾಗಿದೆ. ಕಾಲೇಜಿನ ಆಡಳಿತ ಮಂಡಳಿ ವಿದ್ಯಾರ್ಥಿಗಳ ಸಂಶೋಧನೆಗೆ ಮೆಚ್ಚುಗೆಯನ್ನು ವ್ಯಕ್ತಪಡಿಸಿದೆ. ಒಂದು ವೇಳೆ ಈ ವಾಹನವನ್ನು ಆಸ್ಪತ್ರೆಗಳು ಬಳಕೆ ಮಾಡಿದರೆ, ವೈದ್ಯರಿಗೆ ತುಂಬಾ ಸಹಕಾರಿಯಾಗಲಿದೆ.