ಗದಗ : ದ್ವಿತೀಯ ಪಿಯುಸಿ ವಾರ್ಷಿಕ ಪರೀಕ್ಷೆಗೆ ಜಿಲ್ಲೆಯಲ್ಲಿ ಒಟ್ಟು 9532 ವಿದ್ಯಾರ್ಥಿಗಳು ಹಾಜರಾಗಿದ್ದು ಆ ಪೈಕಿ 6005 ವಿದ್ಯಾರ್ಥಿಗಳು ಉತ್ತೀರ್ಣರಾಗಿರುತ್ತಾರೆ. ಕಳೆದ ವರ್ಷ ಜಿಲ್ಲೆಯ ಪರೀಕ್ಷಾ ಫಲಿತಾಂಶ ಶೇ. 57.76 ರಷ್ಟಾಗಿ ಜಿಲ್ಲೆಯು 26 ನೇ ಸ್ಥಾನ ಪಡೆದುಕೊಂಡಿತ್ತು. ಆದರೆ ಪ್ರಸಕ್ತ ಸಾಲಿನಲ್ಲಿ ಜಿಲ್ಲೆಯು ಶೇ. 63 ರಷ್ಟು ಫಲಿತಾಂಶ ಪಡೆಯುವ ಮೂಲಕ 22 ನೇ ಸ್ಥಾನ ಪಡೆದುಕೊಂಡಿದೆ.
ಜಿಲ್ಲೆಯಲ್ಲಿ ರ್ಯಾಂಕ್ ವಿಜೇತರು:
ಕಲಾ ವಿಭಾಗದಲ್ಲಿ ಗದಗ ನಗರದ ಎಚ್.ಸಿ.ಇ.ಎಸ್.ಪದವಿ ಪೂರ್ವ ಕಾಲೇಜಿನ ಕುಮಾರ್ ಲಿಂಬಣ್ಣ ಬಡಿಗೇರ 582 ಅಂಕಗಳನ್ನು ( 97 %) ಪಡೆದಿದ್ದು ಪ್ರಥಮ ಸ್ಥಾನ , ಎಸ್.ಜೆ.ಜೆ. ಎಂ. ಪದವಿ ಪೂರ್ವ ಕಾಲೇಜಿನ ವಿದ್ಯಾರ್ಥಿನಿ ಗಂಗಮ್ಮ ಮಂಜುನಾಥ ಕುರ್ತಕೋಟಿ 576 ಅಂಕಗಳನ್ನು ( 96 %) ಪಡೆದಿದ್ದು ದ್ವಿತೀಯ ಸ್ಥಾನ, ಗಜೇಂದ್ರಗಡದ ಎಸ್.ವಿ.ವಿ. ಎಸ್. ಪದವಿ ಪೂರ್ವ ಕಾಲೇಜಿನ ವಿದ್ಯಾರ್ಥಿನಿ ಶೇಫಾ ಬೋದ್ಲೆಖಾನ್ 573 ಅಂಕಗಳನ್ನು ( 95.5 % ) ಪಡೆದು ತೃತೀಯ ಸ್ಥಾನ ಪಡೆದಿದ್ದಾರೆ.
ವಾಣಿಜ್ಯ ವಿಭಾಗದಲ್ಲಿ ಬೆಟಗೇರಿಯ ಎ.ಎಸ್.ಎಸ್.ಪದವಿ ಪೂರ್ವ ಕಾಲೇಜಿನ ವಿದ್ಯಾರ್ಥಿಗಳಾದ ಪ್ರಶಾಂತ ನಾಕೋಡ 592 ಅಂಕಗಳನ್ನು ಪಡೆದಿದ್ದು ( 98.67%) ಪ್ರಥಮ ಸ್ಥಾನ, ಶ್ರೇಯಾ ಕುಷ್ಟಗಿ 585 ಅಂಕಗಳನ್ನು ಪಡೆದು ( 97.5% ) ದ್ವಿತೀಯ ಸ್ಥಾನ ಹಾಗೂ ಪ್ರತೀಕ್ಷಾ ಎಸ್. ಬನಸಾಲಿ 585 ಅಂಕಗಳನ್ನು ಪಡೆದು ( 97.5% ) ದ್ವಿತೀಯ ಸ್ಥಾನ , ನರಗುಂದದ ಸರ್ಕಾರಿ ಪದವಿ ಪೂರ್ವ ಕಾಲೇಜಿನ ವಿದ್ಯಾರ್ಥಿ ಅರುಣಕುಮಾರ ಗದಗಿನ 580 ಅಂಕಗಳನ್ನು ಪಡೆದು ( 96.67 % ) ತೃತೀಯ ಸ್ಥಾನ ಪಡೆದಿದ್ದಾರೆ.
ವಿಜ್ಞಾನ ವಿಭಾಗದಲ್ಲಿ ಗದಗ ನಗರದ ಸನ್ಮಾರ್ಗ ಪದವಿ ಪೂರ್ವ ಕಾಲೇಜಿನ ವಿದ್ಯಾರ್ಥಿನಿ ಅಂಕಿತಾ ಸಂಶಿ 580 ಅಂಕಗಳನ್ನು ಪಡೆದು ( 96.67 %) ಪ್ರಥಮ ಸ್ಥಾನ, ಗದಗ ನಗರದ ಬಿಪಿನ್ ಚಿಕ್ಕಟ್ಟಿ ಪದವಿ ಪೂರ್ವ ಕಾಲೇಜಿನ ವಿದ್ಯಾರ್ಥಿ ಸೌರವ್ ಮೆಣಸಗಿ 580 ( 96.67 %) ಪ್ರಥಮ ಸ್ಥಾನ , ನರೇಗಲ್ ದ ಅನ್ನದಾನೇಶ್ವರ ಪದವಿ ಪೂರ್ವ ಕಾಲೇಜಿನ ವಿದ್ಯಾರ್ಥಿ ಮನೋಜಗೌಡ ರಬ್ಬನಗೌಡರ 578 ಅಂಕಗಳನ್ನು ಪಡೆದು ( 96.63 % ) ದ್ವಿತೀಯ ಸ್ಥಾನ , ಗದಗ ನಗರದ ವಿನಯ ಚಿಕ್ಕಟ್ಟಿ ಪದವಿ ಪೂರ್ವ ಕಾಲೇಜಿನ ವಿದ್ಯಾರ್ಥಿ ಯೋಗೇಶ ದೇಸಾಯಿ 577 ( 96.17 %) ತೃತೀಯ ಸ್ಥಾನ ಪಡೆದಿದ್ದಾರೆ.
ಅನುತ್ತೀರ್ಣ ವಿದ್ಯಾರ್ಥಿಗಳು ಓ.ಎಂ.ಆರ್. ಅರ್ಜಿಗಳಿಗಾಗಿ ಕಾಯುವ ಬದಲು ಫಲಿತಾಂಶ ಪಟ್ಟಿ ಆಧಾರದ ಮೇಲೆ ಅನುತ್ತೀರ್ಣ ವಿಷಯಗಳಿಗೆ ಪರೀಕ್ಷಾ ಶುಲ್ಕ ಪಾವತಿಸಲು ಜುಲೈ 31 ಕೊನೆಯ ದಿನವಾಗಿದೆ. ಕಾಲೇಜಿನವರು ಪರೀಕ್ಷಾ ಶುಲ್ಕ ಸಂದಾಯ ಮಾಡಲು ಅಗಸ್ಟ 3 ಹಾಗೂ ಪರೀಕ್ಷಾ ಅರ್ಜಿಗಳನ್ನು ಉಪನಿರ್ದೇಶಕರ ಕಚೇರಿಗೆ ಸಲ್ಲಿಸಲು ಅಗಸ್ಟ 5 ಕೊನೆಯ ದಿನವಾಗಿದೆ. ಒಂದು ವಿಷಯಕ್ಕೆ 140/- ರೂ, ಎರಡು ವಿಷಯಕ್ಕೆ 270 /- ರೂ, ಮೂರು ಅಥವಾ ಹೆಚ್ಚಿನ ವಿಷಯಗಳಿಗೆ 400/- ರೂ ಶುಲ್ಕ ಪಾವತಿಸಬೇಕೆಂದು ಪದವಿ ಪೂರ್ವ ಶಿಕ್ಷಣ ಇಲಾಖೆಯ ಉಪನಿರ್ದೇಶಕ ಎಚ್.ಎಸ್. ರಾಜೂರ ತಿಳಿಸಿದ್ದಾರೆ.