ನವದೆಹಲಿ: ಮೂರು ದಿನದ ಹಿಂದಷ್ಟೇ ದೇಶದಲ್ಲಿ 7 ಲಕ್ಷ ದಾಟಿದ್ದ ಕೋರೊನಾ ಸೋಂಕಿತರ ಸಂಖ್ಯೆ ಈಗ 8 ಲಕ್ಚ ದಾಟಿದೆ. ಸದ್ಯ 8,22,603 ಸೋಂಕಿತರಿದ್ದು, 22,144 ಸಾವು ಸಂಭವಿಸಿವೆ.
6 ಲಕ್ಷದಿಂದ 7 ಲಕ್ಷ ತಲುಪಲು 4 ದಿನ ತಗುಲಿದ್ದರೆ, 7ರಿಂದ 8 ಲಕ್ಷ ತಲುಪಲು ಮೂರೇ ದಿನ ಸಾಕಾಯ್ತು.
ಈ ಅಂಕಿಅಂಶ ಗಮನಿಸಿ: ಪ್ರತಿ ಲಕ್ಷ ಕೇಸ್ ದಾಖಲಾಗುವ ಅವಧಿ ಕಡಿಮೆಯಾಗುತ್ತ ಹೋಗಿದೆ. ಸದ್ಯ ಮೂರೇ ದಿನಕ್ಕೆ 1 ಲಕ್ಷ ಹೊಸ ಕೇಸು ದಾಖಲಾಗಿವೆ. ಇದೇ ಟ್ರೆಂಡ್ ಮುಂದುವರೆದರೆ ಇನ್ನು 3 ದಿನದಲ್ಲಿ ಪ್ರತಿದಿನ 1 ಲಕ್ಷಕ್ಕೂ ಹೆಚ್ಚು ಕೇಸ್ ದಾಖಲಾಗಲಿವೆ.
ಜನೇವರಿ 30: ದೇಶದಲ್ಲಿ ಮೊದಲ ಪಾಸಿಟಿವ್ ಪತ್ತೆ, ಚೀನಾದ ವುಹಾನ್ ಪ್ರಾಂತ್ಯದಲ್ಲಿ ಎಂ.ಬಿ.ಬಿ.ಎಸ್ ಓದುತ್ತಿದ್ದ ಕೇರಳದ ಯುವತಿಗೆ ಪಾಸಿಟಿವ್ ದೃಢಪಟ್ಟಿತ್ತು.
1 ಲಕ್ಷ ಕೇಸು: ಜನೇವರಿ 30ರ ನಂತರ 110 ದಿನದಲ್ಲಿ 1 ಲಕ್ಷ ಕೇಸುಗಳು.
ಜೂನ್ 13: ಹತ್ತೇ ದಿನದಲ್ಲಿ 3 ಲಕ್ಷ ತಲುಪಿತು.
ಜೂನ್ 21: 8 ದಿನದಲ್ಲಿ 4 ಲಕ್ಷ ತಲುಪಿತು.
ಜುಲೈ 2: 10 ದಿನದಲ್ಲಿ 2 ಲಕ್ಷ. 6 ಲಕ್ಷ ದಾಟಿತು.
ಜುಲೈ 7: 4 ದಿನದಲ್ಲಿ ಮತ್ತೆ 1 ಲಕ್ಷ. ಸೋಂಕಿತರ ಸಂಖ್ಯೆ 7 ಲಕ್ಷ ದಾಟಿತು.
ಜುಲೈ 10: ಮೂರೇ ದಿನದಲ್ಲಿ ಹೊಸ 1 ಲಕ್ಷ ಪಾಸಿಟಿವ್. 8 ಲಕ್ಷ ದಾಟಿದ ಸೋಂಕಿತರ ಸಂಖ್ಯೆ.
