ನವದೆಹಲಿ: 45ಕ್ಕಿಂತ ಹೆಚ್ಚಿನ ವಯಸ್ಸಿನವರಿಗೆ ಅದರಲ್ಲೂ 60 ದಾಟಿದವರಿಗೆ ಕೋರೊನಾ ಸೋಂಕು ತಗುಲಿದರೆ ಮರಣ ಹೊಂದುವ ಸಾಧ್ಯತೆ ಹೆಚ್ಚು.
ಭಾರತದಲ್ಲಿ ಕೊರೋನಾ ಸೋಂಕಿನಿಂದ ಮೃತರಾದವರ ವಯಸ್ಸುಗಳನ್ನು ಪರಿಗಣಿಸಿದಾಗ ಈ ಅಂಶವೂ ಕಂಡು ಬರುತ್ತದೆ. ಆದರೆ, ಇಲ್ಲಿ ಅಷ್ಟೇನೂ ರಿಸ್ಕ್ ಇಲ್ಲ ಎನ್ನಲಾಗುವ 30-44 ವರ್ಷ ವಯೋಮಾನದವರಲ್ಲೂ ಸಾವಿನ ಪ್ರಮಾಣ ತುಸು ಹೆಚ್ಚೇ ಇದೆ. ಸೋಂಕಿನಿಂದ ಮೃತಪಟ್ಟವರಲ್ಲಿ 30-59 ವಯಸ್ಸಿನವರು ಶೇ.43 ಇದ್ದಾರೆ!
ಈ ಅಂಕಿಅಂಶ ಗಮನಿಸಿ
45ರ ನಂತರದವರು (ಜನಸಂಖ್ಯೆಯ ಶೇ.25ರಷ್ಟಿದ್ದಾರೆ) ಸೋಂಕಿತರಾದರೆ ಸಾಯುವ ಸಾಧ್ಯತೆ ಹೆಚ್ಚು. ಭಾರತದಲ್ಲಾದ ಒಟ್ಟು ಕೊರೋನಾ ಸಾವುಗಳಲ್ಲಿ 45ಕ್ಕಿಂತ ಹೆಚ್ಚಿನ ವಯಸ್ಸಿನವರ ಪ್ರಮಾಣ ಶೇ.85. ಈ ವಯೋಮಾನದ ಗುಂಪಿನಲ್ಲೇ 45-74 ವಯಸ್ಸಿನವರು ಅದಿಕ ಪ್ರಮಾಣದಲ್ಲಿ (ಶೇ.71) ಮೃತಪಟ್ಟಿದ್ದಾರೆ.
ಇನ್ನು ಅಷ್ಟೇನೂ ಸಾಯುವ ಸಾಧ್ಯತೆ ಇಲ್ಲ ಎನ್ನಲಾಗಿದ್ದ 30-44 ಮತ್ತು 45-59 ವಯೋಮಾನದ ಸೋಂಕಿತರ ಸಾವಿನ ಪ್ರಮಾಣ ಶೇ. 43ರಷ್ಟಿದೆ.
ದೇಶದಲ್ಲೀಗ ಒಟ್ಟು ಸೋಂಕಿತರು 7.67 ಲಕ್ಷ, ಗುಣಮುಖರಾದವರು 4.74 ಲಕ್ಷ, ಸಕ್ರಿಯ ಕೇಸುಗಳು 2.69 ಲಕ್ಷ, ಒಟ್ಟು ಸಾವು 21,129. ಹೆಚ್ಚು ಜನ ಗುಣಮುಖರಾಗುತ್ತಿದ್ದರೂ ಗುಣಮುಖರಾದವರ, ಮತ್ತು ಸಕ್ರಿಯ ಕೇಸುಗಳ ನಡುವೆ 2 ಲಕ್ಷ ಅಂತರವಿದೆ.
