ಒಂದೇ ದಿನದಲ್ಲಿ 10,956 ಕೊರೊನಾ ಪಾಸಿಟಿವ್: 4ನೇ ಸ್ಥಾನಕ್ಕೇರಿದ ಭಾರತ!

ದೆಹಲಿ: ಕಳೆದ 24 ಗಂಟೆಗಳಲ್ಲಿ ಭಾರತದಲ್ಲಿ 10,956 ಕೊರೊನಾ ಪಾಸಿಟಿವ್ ಪ್ರಕರಣಗಳು ದಾಖಲಾಗಿವೆ. ಈ ಮೂಲಕ ಭಾರತ ಇದುವರೆಗಿನ ಕೊರಾನಾ ಪಾಸಿಟಿವ್ ದಾಖಲೆಗಳನ್ನೆಲ್ಲ ಮುರಿದು, ಜಗತ್ತಿನಲ್ಲೇ ನಂಬರ್ ಒನ್ ಸ್ಥಾನದತ್ತ ದಾಪುಗಾಲಿಡುತ್ತಿದೆ.
ದೇಶದಲ್ಲಿ ಇದುವರೆಗಿನ ಕೊರೊನಾ ಪೀಡಿತರ ಸಂಖ್ಯೆ 2,97,535. ಸಕ್ರಿಯ ಪ್ರಕರಣಗಳು 1,41,842. ಗುಣಮುಖರಾದವರು 1,47,195. ಮಡಿದವರ ಸಂಖ್ಯೆ 8,498 ಎಂದು ಕೇಂದ್ರ ಆರೋಗ್ಯ ಇಲಾಖೆ ಹೇಳಿದೆ.
ಈ ಎಲ್ಲ ಬೆಳವಣಿಗೆಗಳ ನಡುವೆ ಭಾರತ ಕೊರೊನಾ ಪೀಡಿತ ರಾಷ್ಟ್ರಗಳ ಪೈಕಿ 4ನೇ ಸ್ಥಾನಕ್ಕೆ ಏರಿಕೆ ಕಂಡಿದೆ. ಅಮೆರಿಕ, ಬ್ರೆಜಿಲ್ ಮತ್ತು ರಷ್ಯಾ ದೇಶಗಳು ಮೊದಲ ಮೂರು ಸ್ಥಾನಗಳಲ್ಲಿದ್ದು ನಂತರದ ಸ್ಥಾನವನ್ನು ಭಾರತ ಅಲಂಕರಿಸಿದೆ.
ದೇಶದಲ್ಲಿ ಅತ್ಯಂತ ವೇಗವಾಗಿ ಕೊರೊನಾ ಏರಿಕೆಯಾಗುತ್ತಿದ್ದರೂ, ದೇಶದಲ್ಲಿ ಕೊರೊನಾ ಸಮುದಾಯಕ್ಕೆ ಪಸರಿಸಿಲ್ಲ ಎಂದು ಕೇಂದ್ರ ಸರ್ಕಾರ ನಿನ್ನೆ ಹೇಳಿಕೆ ನೀಡಿದೆ.