ಮಂಗಳೂರು: ಹಡಗುಗಳನ್ನು ದೀಪಗಳಿಂದ ಅಲಂಕರಿಸುವ ಮೂಲಕ ಕೊರೋನಾ ವಾರಿಯರ್ಸ್ ಗೆ ವಿಶಿಷ್ಟ ರೀತಿಯಿಂದ ಅಭಿನಂದನೆ ಸಲ್ಲಿಸಿದ ಘಟನೆ ಮಂಗಳೂರಿನಲ್ಲಿ ನಡೆದಿದೆ.
ಕೋವಿಡ್–19 ವಿರುದ್ಧ ಹೋರಾಡುತ್ತಿರುವ ಯೋಧರಿಗೆ ಭಾರತೀಯ ಕರಾವಳಿ ಕಾವಲು ಪಡೆ ಐಸಿಜಿಯ ವರಹಾ ಒಪಿವಿ ಮತ್ತು ಅಮರ್ತ್ಯಾ ಎಫ್ಪಿವಿ ಹಡಗನ್ನು ದೀಪಗಳಿಂದ ಬೆಳಗಿಸುವ ಮೂಲಕ ಇಂಡಿಯಾ ಥ್ಯಾಂಕ್ಸ್ ಕೋವಿಡ್–19 ವಾರಿಯರ್ಸ್ ಎಂದು ಗೌರವ ಸೂಚಿಸಲಾಯಿತು.
ಈ ಹಡಗುಗಳು ಪಣಂಬೂರಿನ ತೀರಕ್ಕೆ ಸಮೀಪ ಬಂದ ಕಾರಣ ಅಂಚಿನಲ್ಲಿ ಹಸಿರು ಬೆಳಕು ಹಾಗೂ ಬೆಳಕಿನ ಚಿತ್ರಣಗಳು ಸುಂದರವಾಗಿ ಗೋಚರಿಸಿದವು.
ಕೋವಿಡ್–19 ವಾರಿಯರ್ಸ್ ಶ್ರಮವನ್ನು ಅಭಿನಂದಿಸಲು ಕರಾವಳಿ ತೀರದ ಸುಮಾರು 25 ಕಡೆಗಳಲ್ಲಿ ಕರಾವಳಿ ಕಾವಲು ಪಡೆಯು ಈ ಕಾರ್ಯಕ್ರಮ ಹಮ್ಮಿಕೊಂಡಿದ್ದು, ದೇಶದಾದ್ಯಂತ ಒಟ್ಟು ಸುಮಾರು 46 ಹಡಗುಗಳು, ಹೆಲಿಕಾಪ್ಟರ್ಗಳು ಪಾಲ್ಗೊಂಡಿದ್ದವು.