ಧಾರವಾಡ ಸ್ಥಳೀಯ ಸಂಸ್ಥೆಗಳ ದ್ವೈವಾರ್ಷಿಕ ಚುನಾವಣೆ ಶಾಂತಿಯುತ : ಜಿಲ್ಲೆಯಲ್ಲಿ ಶೇ.99.80 ರಷ್ಟು ಮತದಾನ
ಉತ್ತರಪ್ರಭ ಸುದ್ದಿ
ಗದಗ: ಧಾರವಾಡ ಸ್ಥಳೀಯ ಸಂಸ್ಥೆಗಳ ದ್ವೈವಾರ್ಷಿಕ ಚುನಾವಣೆಗೆ ಮತದಾನವು ಶಾಂತಿಯುತವಾಗಿ ಜರುಗಿದ್ದು ಜಿಲ್ಲೆಯಲ್ಲಿ ಶೇ. 99.80 ರಷ್ಟು ಮತದಾನವಾಗಿರುತ್ತದೆ.
ಗದಗ ತಾಲೂಕಿನಲ್ಲಿ ಶೇ.99.79 ಲಕ್ಷ್ಮೇಶ್ವರ ಶೇ.99.07, ಶಿರಹಟ್ಟಿ ಶೇ.100, ಮುಂಡರಗಿ ಶೇ.100 ರೋಣ ಶೇ.99.72, ಗಜೇಂದ್ರಗಡ ಶೇ.100, ನರಗುಂದ ತಾಲೂಕಿನಲ್ಲಿ ಶೇ.100 ರಷ್ಟು ಮತದಾನವಾಗಿರುತ್ತದೆ.
ಜಿಲ್ಲೆಯಲ್ಲಿ ಸುಗಮ ಮತದಾನ ಪ್ರಕ್ರಿಯೆಗಾಗಿ 130 ಮತಗಟ್ಟೆಗಳನ್ನು ಸ್ಥಾಪಿಸಲಾಗಿತ್ತು. ಮುಂಜಾನೆ 8 ಗಂಟೆಯಿಂದ ಸಾಯಂಕಾಲ 4 ಗಂಟೆಯ ವರೆಗೆ ಶಾಂತಿಯುತವಾಗಿ ಜರುಗಿದ ಮತದಾನ ಪ್ರಕ್ರಿಯೆಯಲ್ಲಿ ಜಿಲ್ಲೆಯ 1955 ಮತದಾರ ಪೈಕಿ ಪುರುಷ 956 ಹಾಗೂ 995 ಮಹಿಳಾ ಮತದಾರರು ಸೇರಿದಂತೆ ಒಟ್ಟು 1951 ಮತದಾರರು ತಮ್ಮ ಹಕ್ಕನ್ನು ಚಲಾಯಿಸಿರುತ್ತಾರೆ .
ತಾಲೂಕುವಾರು ಮತದಾನದ ವಿವರ: ಗದಗ ತಾಲೂಕಿನ 468 ಮತದಾರರ ಪೈಕಿ 229ಪುರುಷ, 238 ಮಹಿಳಾ ಮತದಾರರು ಸೇರಿದಂತೆ ಒಟ್ಟು 467 ಮತದಾರರು, ಲಕ್ಷ್ಮೇಶ್ವರ ತಾಲೂಕಿನ 216 ಮತದಾರರ ಪೈಕಿ 104 ಪುರುಷ, 110 ಮಹಿಳೆಯರು ಸೇರಿದಂತೆ ಒಟ್ಟು 214 ಮತದಾರರು,ಶಿರಹಟ್ಟಿ ತಾಲೂಕಿನ 207 ಮತದಾರರ ಪೈಕಿ 102 ಪುರುಷ, 105 ಮಹಿಳೆಯರು ಸೇರಿದಂತೆ ಒಟ್ಟು 207 ಮತದಾರರು ಮುಂಡರಗಿ ತಾಲೂಕಿನ 304 ಮತದಾರರ ಪೈಕಿ 148ಪುರುಷ, 156 ಮಹಿಳೆಯರು ಸೇರಿದಂತೆ ಒಟ್ಟು 304 ಮತದಾರರು,ರೋಣ ತಾಲೂಕಿನ 354 ಮತದಾರರ ಪೈಕಿ 172ಪುರುಷ, 181 ಮುಹಿಳೆಯರು ಸೇರಿದಂತೆ ಒಟ್ಟು 353 ಮತದಾರರು,ಗಜೇಂದ್ರಗಡ ತಾಲೂಕಿನ 216 ಮತದಾರರ ಪೈಕಿ 108 ಪುರುಷ, 108 ಮಹಿಳೆಯರು ಸೇರಿದಂತೆ 216 ಮತದಾರರು,ನರಗುಂದ ತಾಲೂಕಿನ 190 ಮತದಾರರ ಪೈಕಿ 93ಪುರುಷ, 97ಮಹಿಳಾ ಮತದಾರರು ಸೇರಿದಂತೆ ಒಟ್ಟು 190 ಮತದಾರರು ತಮ್ಮ ಹಕ್ಕನ್ನು ಚಲಾಯಿಸಿರುತ್ತಾರೆ.
ಚುನಾವಣೆ ಮತ ಪೆಟ್ಟಿಗೆಗಳನ್ನು ಪೋಲಿಸ್ ಬಂದೋಬಸ್ತನಲ್ಲಿ ಮತ ಎಣಿಕೆ ಕೇಂದ್ರವಾದ ಧಾರವಾಡ ಕೃಷಿ ವಿಶ್ವವಿದ್ಯಾಲಯದ ಸ್ಟ್ರಾಂಗ ರೂಂಗೆ ಕಳುಹಿಸಲಾಯಿತು. ಗದಗ, ಶಿರಹಟ್ಟಿ, ಲಕ್ಷ್ಮೇಶ್ವರ, ಮುಂಡರಗಿ, ತಾಲೂಕಿನ ಮತಪೆಟ್ಟಿಗೆಗಳನ್ನು ಅಪರ ಜಿಲ್ಲಾಧಿಕಾರಿಗಳ ಮಾರ್ಗದರ್ಶನದಲ್ಲಿ ಹಾಗೂ ನರಗುಂದ, ರೋಣ, ಗಜೇಂದ್ರಗಡ ತಾಲೂಕಿನ ಮತಪೆಟ್ಟಿಗೆಗಳನ್ನು ಉಪ ವಿಭಾಗಾಧಿಕಾರಿಗಳ ಮಾರ್ಗದರ್ಶನದಲ್ಲಿ ಎರಡು ಪ್ರತ್ಯೇಕ ಮಾರ್ಗದಲ್ಲಿ ಸುರಕ್ಷಿತವಾಗಿ ಮತ ಎಣಿಕೆ ಕೇಂದ್ರಕ್ಕೆ ತಲುಪಿಸಲಾಗಿರುತ್ತದೆ ಎಂದು ಜಿಲ್ಲಾಧಿಕಾರಿಗಳು ತಿಳಿಸಿರುತ್ತಾರೆ.
