ಪೋಸ್ಟ್ ಆಫೀಸ್ ಬ್ಯಾಂಕಿಂಗ್ ನಲ್ಲಿ : 500 ರೂ, ಬ್ಯಾಲೆನ್ಸ್​ ಕಡ್ಡಾಯ!

ನವದೆಹಲಿ: ಇನ್ಮುಂದೆ ನಿಮ್ಮ ಪೋಸ್ಟ್ ಆಫೀಸ್ ಬ್ಯಾಂಕಿಂಗ್ ಖಾತೆಯಲ್ಲಿ 500 ರೂಪಾಯಿ ಉಳಿತಾಯ ಕಡ್ಡಾಯವಾಗಿದೆ. ಒಂದು ವೇಳೆ ಅಷ್ಟು ಹಣ ಇಲ್ಲದಿದ್ರೆ ದಂಡ ಕಟ್ಟಬೇಕಾಗಿದೆ.

ನಿಮ್ಮ ಖಾತೆಯಲ್ಲಿ 500 ರೂಪಾಯಿ ಹಣ ಇಡುವುದು ಕಡ್ಡಾಯ. ಆರ್ಥಿಕ ವರ್ಷದ ಅಂತ್ಯದ ವೇಳೆಗೆ ನಿಮ್ಮ ಖಾತೆಯಲ್ಲಿ 500 ರೂಪಾಯಿ ಇಲ್ಲವಾದಲ್ಲಿ, ನಿಮ್ಮ ಖಾತೆಯಿಂದ 100 ರೂಪಾಯಿ ಕಡಿತ ಮಾಡಲಾಗುವುದು. ಡಿಸೆಂಬರ್​​ 11ರಿಂದಲೇ ಈ ನಿಯಮ ಜಾರಿಯಾಗುವುದಾಗಿ ತಿಳಿಸಲಾಗಿದೆ.

ಇನ್ನು ಮುಂದೆ ಹಣ ತೆಗೆಯುವಾಗ ಕನಿಷ್ಟ ಉಳಿತಾಯ 500 ರೂಪಾಯಿ ಇರುವಂತೆ ನೋಡಿಕೊಳ್ಳಲಾಗುವುದು ಎಂದು ಪೋಸ್ಟ್​ ಆಫೀಸ್​ ಬ್ಯಾಂಕ್​ ತಿಳಿಸಿದೆ. ಪೋಸ್ಟ್​ ಆಫೀಸ್​ ಬ್ಯಾಂಕಿನಲ್ಲಿ ಪ್ರಸ್ತುತ ಉಳಿತಾಯಕ್ಕೆ ಶೇ.4 ಬಡ್ಡಿದರದಲ್ಲಿ ಬಡ್ಡಿ ನೀಡಲಾಗುತ್ತಿದೆ. ಹೊಸ ಖಾತೆ ತೆರೆಯಲು ಕನಿಷ್ಠ 500 ರೂಪಾಯಿ ಠೇವಣಿ ಮಾಡಬೇಕು. ನಂತರ ಕನಿಷ್ಠ 10 ರೂಪಾಯಿ ಠೇವಣಿ ಮತ್ತು ಕನಿಷ್ಠ 50 ರೂಪಾಯಿ ವಾಪಾಸಾತಿ ಪಡೆಯಬಹುದಾಗಿದೆ.