ಬೆಂಗಳೂರು : ಕೆಕೆಆರ್ ತಂಡದ ಆಲ್ ರೌಂಡರ್ ಆಂಡ್ರೆ ರಸೆಲ್ ಅವರು ಸ್ಥಿತಿ ಪ್ರದರ್ಶನ ತೋರಲು ವಿಫಲರಾಗುತ್ತಿದ್ದಾರೆ. ಇದರ ನಡುವೆ ಸಭ್ಯತೆ ಮರೆತ ಅಭಿಮಾನಿಗಳು, ರಸ್ಸೆಲ್ ಅವರ ಪತ್ನಿಗೆ ಪೋಸ್ಟ್ ಹಾಕಿ ಕಾಮೆಂಟ್ ಮಾಡುತ್ತಿದ್ದಾರೆ.
ಐದು ಪಂದ್ಯಗಳಲ್ಲಿ ಆಡಿರುವ ರಸ್ಸೆಲ್ ಕೇವಲ 50 ರನ್ ಗಳಿಸಿದ್ದಾರೆ. ಬ್ಯಾಟಿಂಗ್ ಸರಾಸರಿ 12.50ರಷ್ಟಿದೆ. ಬೌಲಿಂಗ್ ನಲ್ಲಿಯೂ ನಿಯಮಿತವಾಗಿ ವಿಕೆಟ್ ಪಡೆಯಲು ಕೂಡ ಅವರು ವಿಫಲರಾಗುತ್ತಿದ್ದಾರೆ. ಒಟ್ಟು 5 ಪಂದ್ಯಗಳಲ್ಲಿ 5 ವಿಕೆಟ್ ಪಡೆದಿದ್ದಾರೆ. ಸದ್ಯ ನೆಟ್ಟಿಗರು, ರಸ್ಸೆಲ್ ಪತ್ನಿ ಜೆಸ್ಸಿ ಲೋರಾ ಅವರನ್ನು ಆಂಟಿ ಎಂದು ಕರೆದು, ನೀವು ದುಬೈಗೆ ಹೋಗಿ. ರಸ್ಸೆಲ್ ಅವರಲ್ಲಿ ಸ್ಪೂರ್ತಿ ತುಂಬಿ ಎಂದು ಕಮೆಂಟ್ ಮಾಡುತ್ತಿದ್ದಾರೆ.
ರಸ್ಸೆಲ್ ಪತ್ನಿ ಜಸ್ಸಿ ಲೋರಾ ಅವರು ಇಂತಹ ಕಮೆಂಟ್ ಗೆ ಪ್ರತಿಕ್ರಿಯಿಸಿ, ಅವರು(ರಸ್ಸೆಲ್) ಉತ್ತಮ ಫಾರ್ಮ್ ನಲ್ಲಿದ್ದಾರೆ.. ಎಂದು ಹಾಕಿದ್ದಾರೆ. ಈ ಬಾರಿ ಕೊರೊನಾ ಮಹಾಮಾರಿಯಿಂದಾಗಿ ಬಹುತೇಕ ಆಟಗಾರರು ತಮ್ಮ ಪತ್ನಿ ಹಾಗೂ ಕುಟುಂಬಸ್ಥರನ್ನು ತಮ್ಮೊಂದಿಗೆ ಕರೆದುಕೊಂಡು ಹೋಗಿಲ್ಲ. ಸೋಂಕು ಹರಡದಂತೆ ನಿಯಂತ್ರಣ, ತಂಡದ ನಿರ್ವಹಣೆ ಬಗ್ಗೆ ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ ಸಾಕಷ್ಟು ಕಾಳಜಿ ವಹಿಸಿದೆ. ಹೀಗಾಗಿಯೇ ಆಪ್ತರ ಸಂಖ್ಯೆ ತೀರಾ ಕಡಿಮೆ ಇದೆ.