ನವದೆಹಲಿ:ಕೇಂದ್ರ ಆರೋಗ್ಯ ಸೇವೆಗಳ ಡೈರೆಕ್ಟರ್ ಜನರಲ್ ಹೊರಡಿಸಿದ ಸುತ್ತೋಲೆ ಈಗ ಜನರನ್ನು ಗೊಂದಲಕ್ಕೆ ತಳ್ಳಿದೆ.
ಸದ್ಯ ಬಳಕೆಯಲ್ಲಿರುವ ಕವಾಟ ಅಥವಾ ರಂಧ್ರಗಳಿರುವ ಎನ್-95 ಮಾಸ್ಕ್ ಸೋಂಕು ತಡೆಯಲಾರವು. ಜನರು ಇತರ ಸಾಧಾರಣ ಮಾಸ್ಕ್ ಅಥವಾ ಮನೆಯಲ್ಲಿಯೇ ತಯಾರಿಸಿದ ಮಾಸ್ಕ್ ಬಳಸಬೇಕು ಎಂದು ಅವರು ತಿಳಿಸಿದ್ದಾರೆ.
ಬಳಕೆಯಲ್ಲಿರುವ ಎನ್-95 ಮಾಸ್ಕ್ ಗಳನ್ನು ಸೋಂಕು ತಡೆಯಲು ರೂಪಿಸಿರುವ ಅಳತೆಯ ಮಾನದಂಡದಂತೆ ತಯಾರು ಮಾಡಿಲ್ಲ. ಹೀಗಾಗಿ ಅವನ್ನು ಬಳಸುವುದರಿಂದ ಸೋಂಕು ತಡೆಯಲು ಸಾಧ್ಯವಿಲ್ಲ ಎಂದು ಸುತ್ತೋಲೆ ತಿಳಿಸಿದೆ.
ಮನೆಯಲ್ಲಿಯೇ ಮಾಡಿದ ಅಥವಾ ಹೊರಗಡೆ ಕೊಂಡ ಇತರ ಕಾಟನ್ ಮಾಸ್ಕ್ ಗಳನ್ನು ದಿನವೂ ಉಪ್ಪು ಬೆರೆಸಿದ ಬಿಸಿ ನೀರಿನಲ್ಲಿ ತೊಳೆಯಬೆಕು ಎಂದು ಸಲಹೆ ನೀಡಲಾಗಿದೆ.
ವೈದ್ಯಕೀಯ ಸಿಬ್ಬಂದಿ ಧರಿಸುವ ಎನ್-95 ಮಾಸ್ಕ್ ಕೂಡ ಸುರಕ್ಷಿತವೇ ಎಂಬ ಕುರಿತು ಏನನ್ನೂ ಹೇಳಿಲ್ಲ.
ಭಾರತದಲ್ಲಿ ಮೊದಲ ಪಾಸಿಟಿವ್ ಪ್ರಕರಣ ಜನವರಿ 30 ರಂದು ದಾಖಲಾಗಿತು. ಅದಾದ ಆರೂವರೆ ತಿಂಗಳ ನಂತರವೂ ಎನ್-95 ಮಾಸ್ಕ್ ಕುರಿತ ಗೊಂದಲ ಬಗೆಹರಿಸಲು ಸರ್ಕಾರ ಒದ್ದಾಡುತ್ತಿದೆಯೇ ಎಂದು ಜನ ಕೇಳುತ್ತಿದ್ದಾರೆ.
