ಭೂಪಾಲ್ : ಕೊರೊನಾ ಸೋಂಕಿನಿಂದ 12 ದಿನದ ಹಸುಗೂಸು ಗುಣ ಹೊಂದಿದ್ದು, ಸದ್ಯ ಈ ಮಗುವಿಗೆ ಪ್ರಕೃತಿ ಎಂದು ಹೆಸರಿಡಲಾಗಿದೆ.
9 ದಿನಗಳಾಗಿದ್ದ ಮಗುವಿಗೆ ಪರೀಕ್ಷೆ ನಡೆಸಿದಾಗ ಕೊರೊನಾ ಸೋಂಕು ಇರುವುದು ದೃಢ ಪಟ್ಟಿತ್ತು. ಆ ನಂತರ ಮಗುವನ್ನು ಆಸ್ಪತ್ರೆಗೆ ದಾಖಲು ಮಾಡಿಕೊಂಡು ಚಿಕಿತ್ಸೆ ನೀಡಲಾಗಿತ್ತು. ಮಾರಣಾಂತಿಕ ಸೋಂಕಿನಿಂದ ಚೇತರಿಸಿಕೊಂಡ ನಂತರ ಶುಕ್ರವಾರ ರಾತ್ರಿ ಮಗು ಮನೆಗೆ ಮರಳಿದೆ ಎಂದು ಜಿಲ್ಲೆಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
ಏ. 7 ರಂದು ಮಗು ಜನಿಸಿತ್ತು. ಆರೋಗ್ಯ ಕಾರ್ಯಕರ್ತೆಯಿಂದಾಗಿ ಮಗುವಿಗೆ ಸೋಂಕು ತಗುಲಿತ್ತು. ಮಗು ಸದ್ಯ ಗುಣಮುಖವಾಗಿದ್ದು. ಕಳೆದ ರಾತ್ರಿ ಮನೆಗೆ ಕರೆದುಕೊಂಡು ಬಂದಿದ್ದಾಗಿ ಮಗುವಿನ ತಂದೆ ತಿಳಿಸಿದ್ದಾರೆ. ಜೊತೆಗೆ ಮಗುವಿಗೆ ಪ್ರಕೃತಿ ಎಂದು ನಾಮಕರಣ ಮಾಡಿದ್ದಾಗಿ ತಿಳಿಸಿದ್ದಾರೆ.
