ಗದಗ: ನಗರದಲ್ಲಿ ಮತ್ತೊಂದು ಕೊರೋನಾ ಪಾಸಿಟಿವ್ ಪ್ರಕರಣ ಪತ್ತೆಯಾಗಿದ್ದು ಈ ಮೂಲಕ ಗದಗ ಜಿಲ್ಲೆಯಲ್ಲಿ ಈವರೆಗೆ 5 ಪಾಸಿಟಿವ್ ಪ್ರಕರಣ ಪತ್ತೆಯಾದಂತಾಗಿದೆ. 5ನೇ ಕೇಸ್ ಪಿ-514 ಆಗಿದ್ದು ಈಗಾಗಲೇ ಪತ್ತೆಯಾಗಿರುವ ಸೋಂಕಿತರ ಜೊತೆಗೆ ಸಂಪರ್ಕ ಇರಲಿಲ್ಲ. ಆದರೆ ಉಸಿರಾಟ ತೊಂದರೆ ಕಾಣಿಸಿಕೊಂಡ ಹಿನ್ನೆಲೆ ಆಸ್ಪತ್ರೆಗೆ ದಾಖಲಾಗಿದ್ದರು. ನಗರದಲ್ಲಿ ಒಟ್ಟು 4 ಪಾಸಿಟಿವ್ ಪ್ರಕರಣ ಪತ್ತೆಯಾಗಿದ್ದವು. ಮೊದಲ ಪಾಸಿಟಿವ್ ಕೇಸ್ ಏ.6 ರಂದು 80 ವರ್ಷದ ವೃದ್ದೆಯಲ್ಲಿ ದೃಢಪಟ್ಟಿತ್ತು. ಆ ವೃದ್ದೆ ಏ.೮ ರಂದು ಮೃತಪಟ್ಟರು. ಎರಡನೇ ಕೇಸ್ ಏ.16 ರಂದು ದೃಢಪಟ್ಟರೇ, ಏ.18 ರಂದು ಮೂರನೇ ಕೇಸ್ ದೃಢಪಟ್ಟಿತ್ತು. ನಾಲ್ಕನೇ ಕೇಸ್ ಏ. 20 ರಂದು ಎಂದು ದೃಢಪಟ್ಟಿತ್ತು. ಇಂದು 5ನೇ ಪಾಸಿಟಿವ್ ಪ್ರಕರಣ ದೃಢಪಟ್ಟಿದೆ.
