ಬೆಂಗಳೂರು : ಬೆಳ್ಳೆ ತೆರೆಯ ಹಿಂದೆ ದುಡಿದಿರುವ ಎಲ್ಲ ಕಾರ್ಮಿಕರಿಗೂ ಗೌರವ ಸಲ್ಲಿಸುವ ನಿಟ್ಟಿನಲ್ಲಿ ರಾಬರ್ಟ್ ಚಿತ್ರ ತಂಡ ಮೇಕಿಂಗ್ ವಿಡಿಯೋ ಒಂದನ್ನು ಬಿಡುಗಡೆ ಮಾಡಿದೆ.
ಚಿತ್ರದ ಕೊನೆಯಲ್ಲಿ ಇದು ಬೆಳ್ಳಿ ಪರದೆಯ ಹಿಂದಿನ ನಿಜವಾದ ಮಿಂಚು ತಾಂತ್ರಿಕ ವರ್ಗ ಎಂದು ಹೇಳಲಾಗಿದ್ದು, ಕಾರ್ಮಿಕರಿಗೆ ಶುಭಾಶಯ ಕೋರಲಾಗಿದೆ.
ಈ ವಿಡಿಯೋ 1.37 ನಿಮಿಷ ಇದೆ. ನಟ ದರ್ಶನ್ ಹಾಗೂ ನಿರ್ದೇಶಕ ತರುಣ್ ಸುಧೀರ್ ಜೊತೆಗೆ ದುಡಿದಿರುವ ಕಾರ್ಮಿಕರ ಶ್ರಮ ತೋರಿಸಲಾಗಿದೆ. ಈ ಚಿತ್ರದಲ್ಲಿ ದರ್ಶನ್ ಬೇರೆ ಬೇರೆ ಅವತಾರಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಹೀಗಾಗಿ ಚಿತ್ರದ ಕುರಿತು ಚಂದನವನದಲ್ಲಿ ಕೌತುಕ ಮೂಡಿರದೆ. ಪೋಸ್ಟರ್ ಮತ್ತು ಹಾಡುಗಳು ಈಗಾಗಲೇ ಬಿಡುಗಡೆಗೊಂಡು ಜನರ ಮನಸ್ಸನ್ನು ಗೆದ್ದಿವೆ. ಅದ್ದೂರಿ ಮೇಕಿಂಗ್ನಿಂದ ಭರವಸೆ ಮೂಡಿಸಿದೆ. ದರ್ಶನ್ ಹಾಗೂ ಆಶಾ ಭಟ್ ಅಭಿನಯಿಸಿದ್ದಾರೆ.