ಯಮನೂರಪ್ಪನ ಉರಸು ಸಂಭ್ರಮ

ಮಸ್ಕಿ: ಇಲ್ಲಿನ ವಾಲ್ಮೀಕಿ ನಗರದಲ್ಲಿನ‌ ಯಮನೂರಪ್ಪನ ಉರಸು ಮೆರವಣಿಗೆ ನಡೆಸಿ ಸಂಭ್ರಮಿಸಲಾಯಿತು. 32ನೇ ವರ್ಷದ ಯಮನೂರಪ್ಪನ ಉರಸು ನಿಮಿತ್ಯ ಗುರುವಾರ ಬೆಳಿಗ್ಗೆ ವಿವಿಧ ಧಾರ್ಮಿಕ ವಿಧಿ‌ವಿಧಾನದ ಮೂಲಕ ಪೂಜೆ ಪುನಸ್ಕಾರ ನೆರವೇರಿಸಲಾಯಿತು. ಪಟ್ಟಣದ 13ನೇ ವಾರ್ಡಿನ ವಾಲ್ಮೀಕಿ ನಗರದಲ್ಲಿನ ಯಮನೂರಪ್ಪನ ದರ್ಗಾದ ಬಳಿ ಪ್ರತಿ ವರ್ಷದಂತೆ ಈ ಭಾರಿಯು ಮೂರು ದಿನಗಳ ಕಾರ್ಯಕ್ರಮ ನಡೆಯಿತು. ಮಾರ್ಚ್ 23ರಂದು 25ರವರೆಗೆ ಸತತ ಮೂರು ದಿನಗಳ ನಾನಾ ಕಾರ್ಯಕ್ರಮ ನಡೆಯುತ್ತದೆ.
ಮೊದಲನೇ ದಿನ ಗಂಧಾ, ಎರಡನೇ ದಿನ ಉರಸು, ಮೂರನೇ ದಿನ ಜಿಯಾರತ್ ಆಚರಣೆ ಮಾಡಲಾಯಿತು.
ಈ ಸಂದರ್ಭದಲ್ಲಿ ಬಿಜೆಪಿ ಮುಖಂಡ ಬಸನಗೌಡ ಪೊಲೀಸ್ ಪಾಟೀಲ, ಸೇರಿದಂತೆ ವಾಲ್ಮೀಕಿ ನಗರದ ಬಡಾವಣೆಯ ನಿವಾಸಿಗಳಿದ್ದರು.