ಗದಗ: ನಗರದಲ್ಲಿ ಬಿಡಾಡಿ ದನಗಳ ಕಾಟ ಹೆಚ್ಚಾಗಿದೆ. ರಸ್ತೆಯ ಮಧ್ಯೆಯೇ ಪ್ರತಿ ದಿನ ಬಿಡಾಡಿ ದಿನಗಳ ಕಾದಾಟ ಸಾಮಾನ್ಯವಾಗಿ ಬಿಟ್ಟಿದೆ. ಇದರಿಂದ ವಾಹನ ಸವಾರರು ಹಾಗೂ ಸಾರ್ವಜನಿಕರು ಪರದಾಡುವಂತಾಗಿದೆ. ಇವುಗಳಿಂದಾಗಿ ಪ್ರತಿ ದಿನ ಒಂದಿಲ್ಲ ಒಂದು ಹಾನಿಯಾಗುತ್ತಿದೆ.
ಇಂದು ಕೂಡ ಬಿಡಾಡಿ ದನಗಳ ಕಾದಾಟ ನಗರದ ಹಳೆಯ ಡಿಸಿ ಕಚೇರಿ ಬಳಿ ನಡೆದಿದೆ. ಮದವೇರಿದ ಎರಡು ಬಿಡಾಡಿ ಗೂಳಿಗಳು, ತಲೆ ಡಿಕ್ಕಿ ಹೊಡೆಯುತ್ತ ಗುಟುರು ಹಾಕಿವೆ. ಇದನ್ನು ಕಂಡು ಅಲ್ಲಿದ್ದ ಜನ ಭಯದಿಂದ ಅಲ್ಲಿಯೇ ನಿಂತಿದ್ದರು. ವಾಹನ ಸವಾರರು ತಮ್ಮ ವಾಹನಗಳನ್ನು ಗೂಳಿ ಬರುತ್ತಿದ್ದಂತೆ ಹಿಂದೆ ಸರಿಯುತ್ತ ಭಯದಿಂದ ಸಾಗಿದ್ದಾರೆ.
ಹೀಗೆ ಒಂದು ಗೂಳಿ ಕಾಳಗ ಮಾಡಿ ಮಾಡಿ ಸುಸ್ತಾಗಿ ಫುಟ್ ಪಾತ್ ಮೇಲೆ ಬಂದು ನಿಂತಿದೆ. ಆಗ ಮತ್ತೊಂದು ಗೂಳಿ ಅದಕ್ಕೆ ಡಿಕ್ಕಿ ಹೊಡೆದಿದೆ. ಇದರಿಂದಾಗಿ ಫುಟ್ ಪಾತ್ ಬಳಿ ನಿಲ್ಲಿಸಿದ್ದ ಮೂರು ಬೈಕ್ ಗಳು ಜಖಂ ಆಗಿವೆ. ಇದರಿಂದಾಗಿ ವಾಹನ ಸವಾರರು ಜಿಲ್ಲಾಡಳಿತದ ವಿರುದ್ಧ ಹಿಡಿಶಾಪ ಹಾಕುತ್ತಿದ್ದಾರೆ. ಕೂಡಲೇ ಬಿಡಾಡಿ ದನಗಳ ಬಗ್ಗೆ ಕ್ರಮ ವಹಿಸಿ, ಜನರಿಗೆ ನೆಮ್ಮದಿ ಕಲ್ಪಿಸೇಕೆದು ಪ್ರಜ್ಞಾವಂತರು ಮನವಿ ಮಾಡುತ್ತಿದ್ದಾರೆ.