ಬೆಂಗಳೂರು : ಸದ್ಯ ಕೊರೊನಾ ವಿರುದ್ಧ ಇಡೀ ಜಗತ್ತೇ ಹೋರಾಡುತ್ತಿದೆ. ಇದರ ಮಧ್ಯೆಯೇ ಡೆಂಗ್ಯೂ ಜನರ ನಿದ್ದೆಗೆಡಿಸಿದೆ.
ಜೂ. 1 ರಿಂದ ಜೂನ್ 18ರ ವರೆಗೆ ಬಿಬಿಎಂಪಿ ವ್ಯಾಪ್ತಿಯಲ್ಲಿ ಬರೋಬ್ಬರಿ 60 ಡೆಂಗ್ಯೂ ಪ್ರಕರಣಗಳು ದಾಖಲಾಗಿವೆ. ಈ ವರ್ಷ ರಾಜ್ಯಾದ್ಯಂತ 1,704 ಕೇಸ್ ದಾಖಲಾಗಿದ್ದು, ಬೆಂಗಳೂರಿನಲ್ಲಿ 337 ಪ್ರಕರಣ ದಾಖಲಾದಂತಾಗಿವೆ.
ಸದ್ಯ ಮಳೆ ಸುರಿಯುತ್ತಿರುವ ಹಿನ್ನೆಲೆಯಲ್ಲಿ ಡೆಂಗ್ಯೂ ಜ್ವರ ಆರಂಭವಾಗಿದೆ. ಮಳೆ ನೀರಿನಲ್ಲಿ ಸೊಳ್ಳೆಗಳ ವಂಶಾಭಿೃದ್ಧಿಯಾಗುತ್ತಿದೆ. ಡೆಂಗ್ಯೂ ರೋಗ ಲಕ್ಷಣಗಳಿರುವ ರೋಗಿಗಳು ಆಸ್ಪತ್ರೆಗೆ ಭೇಟಿ ನೀಡುತ್ತಿದ್ದಾರೆ. ಅವರಲ್ಲಿ ಕೆಲವರಿಗೆ ಡೆಂಗ್ಯೂ ನೆಗೆಟಿವ್ ಬಂದಿದೆ. ಡೆಂಗ್ಯೂ ಸದ್ಯ ಗುಣಪಡಿಸಬಹುದಾದ ಜ್ವರವಾಗಿದೆ. ವಾಂತಿ ಮತ್ತು ದೇಹದ ನಿರ್ಜಲೀಕರಣ ಇದರ ಪ್ರಮುಖ ಲಕ್ಷಣವಾಗಿದೆ. ಡೆಂಗ್ಯೂ ವಾಸಿಯಾಗಲು 3 ರಿಂದ 10 ದಿನಗಳ ಚಿಕಿತ್ಸೆ ನೀಡಬೇಕಾಗುತ್ತದೆ.
