ಇಟಲಿ ದಾಟಿ ಮುಂದೆ ಹೋದ ಭಾರತ!!

ನವದೆಹಲಿ: ದೇಶದಲ್ಲಿ ದಿನದಿಂದ ದಿನಕ್ಕೆ ಕೊರೊನಾ ಸೋಂಕಿತರ ಸಂಖ್ಯೆ ಹೆಚ್ಚಾಗುತ್ತಲೇ ಇದೆ.
ಕಳೆದ 24 ಗಂಟೆಗಳಲ್ಲಿ ದೇಶದಲ್ಲಿ 9887 ಪ್ರಕರಣಗಳು ಪತ್ತೆಯಾಗಿವೆ. ಅಲ್ಲದೇ, ನಿನ್ನೆ ಒಂದೇ ದಿನ ದೇಶದಲ್ಲಿ 294 ಜನರು ಸಾವನ್ನಪ್ಪಿದ್ದಾರೆ. ಇದು ಕೂಡ ನೂತನ ದಾಖಲೆ ಮಾಡಿದೆ.

ಇಲ್ಲಿಯವರೆಗೂ ದೇಶದಲ್ಲಿ 2,36,657 ಪ್ರಕರಣಗಳು ದಾಖಲಾಗಿವೆ. ಸದ್ಯ 1,15,942 ಪ್ರಕರಣಗಳು ಸಕ್ರೀಯವಾಗಿವೆ. 1,14,073 ಮಂದಿ ಕೊರೊನಾದಿಂದ ಗುಣಮುಖರಾಗಿ ಆಸ್ಪತ್ರೆಯಿಂದ ಡಿಸ್ಚಾರ್ಜ್ ಆಗಿದ್ದಾರೆ. ದೇಶದಲ್ಲಿ ಇದುವರೆಗೂ 6,642 ಜನ ಸಾವನ್ನಪ್ಪಿದ್ದಾರೆ. ಅಲ್ಲದೇ, ಭಾರತವು ತನ್ನ ಸ್ಥಾನವನ್ನು ಹೆಚ್ಚುತ್ತ ಸಾಗುತ್ತಿದೆ. ನಿನ್ನೆಯ ದಿನ ದೇಶವು ಇಟಲಿಯನ್ನು ದಾಟಿ 6ನೇ ಸ್ಥಾನಕ್ಕೆ ಜಿಗಿದಿದೆ.

ಅಮೆರಿಕಾ, ಬ್ರೆಜಿಲ್, ರಷ್ಯಾ, ಸ್ಪೇನ್ ಮತ್ತು ಬ್ರಿಟನ್ ಕೊರೊನಾ ಪೀಡಿತ ಟಾಪ್ 5 ದೇಶಗಳಾಗಿವೆ. ಸದ್ಯ ಇಟಲಿ ಕೊರೊನಾದಲ್ಲಿ ಸುಧಾರಣೆ ಕಂಡಿದ್ದು, 7ನೇ ಸ್ಥಾನಕ್ಕೆ ಇಳಿದಿದೆ.