ಲಂಡನ್ : ಜಗತ್ತಿನಲ್ಲಿ ಕೊರೊನಾ ಆರ್ಭಟ ಹೆಚ್ಚಾಗುತ್ತಿದೆ. ಈ ಮಹಾಮಾರಿಗೆ 2.33 ಲಕ್ಷ ಜನ ಬಲಿಯಾಗಿದ್ದಾರೆ. ಅಲ್ಲದೆ, ಸೋಂಕಿತರ ಸಂಖ್ಯೆ 32.76 ಲಕ್ಷಕ್ಕೆ ಏರಿಕೆ ಕಂಡಿದೆ. 187 ರಾಷ್ಟ್ರಗಳಲ್ಲಿ ಕೊರೊನಾ ತನ್ನ ಅಟ್ಟಹಾಸ ಮುಂದುವರೆಸಿದೆ. ಇಲ್ಲಿಯವರೆಗೂ 32,76,373 ಜನರಲ್ಲಿ ಸೋಂಕು ಕಾಣಿಸಿಕೊಂಡಿದೆ. ಈ ಪೈಕಿ 2,33,998 ಜನ ಸಾವನ್ನಪ್ಪಿದ್ದಾರೆ. 187 ರಾಷ್ಟ್ರಗಳ ಪೈಕಿ ಅಮೆರಿಕಾದಲ್ಲಿಯೇ ಸೋಂಕಿತರ ಸಂಖ್ಯೆ ಹೆಚ್ಚಾಗಿದ್ದು, ಇಲ್ಲಿಯವರೆಗೂ ಆ ರಾಷ್ಟ್ರದಲ್ಲಿ 11,13,437 ಜನರಲ್ಲಿ ಸೋಂಕು ಪತ್ತೆಯಾಗಿದೆ. ಸ್ಪೇನ್ ನಲ್ಲಿ 2,42,988, ಇಟಲಿಯಲ್ಲಿ 2,07,428, ಬ್ರಿಟನ್ ನಲ್ಲಿ 1,77,454, ಜರ್ಮನಿಯಲ್ಲಿ 1,63,542, ಫ್ರಾನ್ಸ್ ನಲ್ಲಿ 1,30,185 ಮಂದಿ ಸೋಂಕಿನಿಂದ ಬಳಲುತ್ತಿದ್ದಾರೆ. ಅಮೆರಿಕಾದಲ್ಲಿ 64,715, ಇಟಲಿಯಲ್ಲಿ 28,236, ಬ್ರಿಟನ್ ನಲ್ಲಿ 27,510, ಸ್ಪೇನ್ ನಲ್ಲಿ 24,824, ಫ್ರಾನ್ಸ್ ನಲ್ಲಿ 24,594 ಜನ ಬಲಿಯಾಗಿದ್ದಾರೆ.